Nagpasalamat si Ramirez sa tagumpay ng Batang Pinoy

Baguio City, Philippines — Pinasalamatan ni Philippine Sports Commission Chairman William “Butch” Ramirez ang lahat na mga atleta at mga opisyales mula sa ibat-ibang bahagi ng bansa sa kanilang tulong para maging matagumpay ang pagdaraos ng isang linggong 11th Batang Pinoy National Finals na ginanap sa Baguio City Athletic Bowl at sa La Trinidad, Benguet.

“As we come to the final day of the annual youth games or Batang Pinoy 2018, in the aftermath of Typhoon Ompong and the calamity that befell a number of our brethren here in Baguio and Benguet, the PSC would like to thank the people of Baguio and Benguet led by Mayor Mauricio Domogan of Baguio and Governor Cresencio Pacalso of Benguet respectively for helping us deliver a successful Batang Pinoy National Championships,” sabi ni Ramirez.

Ang naturang kumpetisyon para sa mga batang may edad 15-anyos pababa ay sinalihan ng mahigit 7,000 atleta mula sa 190 local government units sa 17 rehiyon sa buong bansa.

“We thank you for pushing to build our youth up in sports.  You are strong pillars of our efforts to build a better tomorrow for our children,” dagdag ni Ramirez.

Hinikayat din ni Mayor Maricio Domogan ng host Baguio City ang lahat na tulungan ang PSC para lalo pang palakasin ang pagdaraos ng taunang kumpetisyon. “Everybody should help the PSC. These athletes are our future “cream of the crop” kaya mahalaga itong Batang Pinoy program.” aniya.

Pagkatapos sa dikdikang kumpetisyon, tuluyang inangkin ng Baguio City ang ikalawang sunod na overall title sa kanilang kabuuang 83-81-107 gold-silver-bronze tally kasunod ang Cebu City (36-40-44)  at Laguna (34-13-31).