Lady Khaleesi nambulaga
MANILA, Philippines — Ginulat ng Lady Khaleesi na sinakyan ni jockey RM Garcia ang bayang karerista nang manalo bilang dehado sa naganap na karera sa pista ng Metro Turf Club sa Malvar, Batangas.
Nanalo sa Race 8 ang kabayong pagmamay-ari ni Bayani Coching at ininsayo ng Best Trainer of the Year na si Ruben Tupas.
Umalis lang bilang pang-limang puwesto ang tambalang Lady Khaleesi at Garcia at nag-antay ng last 200 meters bago nagparemate para agawin ang panalo sa Watch Out Im Coming.
Dahil dehado ang nanalong kabayo kaya naman nagtatabaan na naman ang mga dibidendo sa Forecast, Trifecta, Quartet, Pentafecta at lalong lalo na sa mga Exotic Betting Option na Winner Take-All, Pick-6, Pick-5 at Pick-4.
Ang ibinigay na dibidendo ng nanalong kumbinasyon na 2-5 sa Forecast ay P190 kada ticket, habang P347.80 naman ang tatamaan sa kumbinasyong 2-5-4 sa Trifecta sa kada isang ticket o kada dalawang piso taya.
Mas malaki ang ibinigay sa Quartet dahil P932.80 ang tatamaan sa nanalong kumbinasyon na 9-5-4-7, habang hindi naman tumimbang sa Pentafecta ang nayamadong kabayo na Summer Cruise kaya naman P2,375.60 ang naging dividendo sa nakakuha ng kumbinasyong 2-5-4-7-6.
Ang Exotic Bet na Pick-4 ay nagbigay ng P2,633 kada isang ticket sa nanalong kumbinasyon na 6-5-2-9, habang sa 2nd Pick-5 dagdag ang nanalong Great Connection sa Race 5 ay nagbigay ng P9,045.20.
Sa Pick-6 naman kung saan kasama ang nanalong kabayo sa Race 4 na Señor Lucas ay nagbigay ng dividendong P14,997.60 at maganda-ganda ang dibidendo ng Winner-Take-All dahil sa ibinigay na P64,185.20 at isama pa ang nanalo sa Race 3 na Charger.
- Latest