Dragon Butterfly pinulbos ang mga nakalaban
MANILA, Philippines – Halos dalawang poste ang layo sa nasegunda nang dumating sa meta ang kabayong Dragon Butterfly sa Race 5 noong Huwebes na ginanap sa pista ng Sta Ana Saddle and Clubs Naic, Cavite.
Sinakyan ng isa sa pinakamagaling na hinete sa bansa na si Jockey OP Cortez ang tatlong taon kabayong pagmamay-ari ni Mr. Narciso Morales na tumakbo bilang Super Mega Oustading Favorite at pinatunayan sa bayan karerista nang manalo ng milya-milya.
Tumakbo sa 1,300m na distansya at nakapagtala ng napakagaling na pruwebang 1:18 bilang banderang tapos at masasabing hahakot ng panalo dahil record ang nasabing oras sa grupong sinalihan sa Condition Race 16.
Dehado ang nasegundong kabayo na Reconstruction kaya nagbigay pa ang Forecast ng P45 kada isang ticket sa nanalong kumbinasyon na 7-1, habang ang Trifecta naman dagdag ang naterserang kabayo na Pagkakaisa ay nagbigay ng dibidendong P60.80 sa nanalong kumbinasyon na 7-1-3.
Sa tayang quartet naman kung saan idadagdag sa pang-apat na puwesto ang kabayong Run Algieri Run ay nagbigay pa ng dibidendong P99.80 sa kumbinasyon na 7-1-3-5, habang P593.60 naman ang ibinigay sa Pentafecta sa nanalong kumbinasyong 7-1-3-5-2.
Ang Extra Double naman nito kabit sa nanalong Seni Seviyorum sa Race 3 ay nagbigay pa ng P22.50 sa isang tiket o kada P5 na taya at ang daily double plus one naman nito ay nagbigay ng dibidendong P52.20 dagdag ang nagwagi sa Race 4 na Heaven Strikes.
Bago iyan ay nanalo rin ang Dragon Butterfly noong Hunyo 9 sa Maiden Race at nakapagtala ng bilis na 1:15 sa distansyang 1,200m at bumagsak sa Condition Race 16.
Kaya kaabang-abang ang mga susunod na karera nang nasabing kabayo dahil maituturing itong matibay na panolo sa mga Exotic Bets na Winner-Take-All, Pick-6, Pick-5 at pandiin sa mga Forecast, Extra Double, Trifecta at Quartet sa karerang sasalihan nito.
- Latest