Gin Kings itatagay ang 2-0 lead
MANILA, Philippines — Dahil sa pagmasaker ng Barangay Ginebra sa game One ay inaasahan ni head coach Tim Cone na babalikan sila ng nagdedepensang San Miguel.
“They’re gonna come back big time in Game Two,” sabi ni Cone matapos ang 127-99 paglampaso ng Gin Kings sa Beermen sa Game One ng 2018 PBA Commissioner’s Cup noong Biyernes. “They’re a veteran team. They’ve been to tougher games.”
Magsasagupa ang Ginebra at San Miguel ngayong alas-6:30 ng gabi sa Game Two ng kanilang best-of-seven championship series sa Smart Araneta Coliseum.
Sa nasabing panalo sa series opener ay kumamada si resident import Justin Brownlee ng game-high na 42 points bukod pa sa 9 assists at 7 rebounds para sa 1-0 bentahe ng Gin Kings sa kanilang serye ng Beermen.
Nag-ambag si veteran forward Joe Devance ng 20 markers kasunod ang tig-11 points nina seven-foot center Greg Slaughter at one-time PBA MVP Mark Caguioa para sa Ginebra.
“I’m never afraid to put Mark in the game because he’s always gonna come out and be aggressive. And he’s gonna come out and he’s gonna look for his shot, and he’s gonna make the defense play him,” ani Cone sa 38-anyos na si Caguioa na hangad ang kanyang pang-pitong PBA title sapul noong 2001.
Pinamunuan naman ni reinforcement Renaldo Balkman ang San Miguel mula sa kanyang 27 points at 13 boards, habang nagtala si 6’8 Fil-German Christian Standhardinger ng 26 markers.
Epektibong nalimitahan ni Slaughter si four-time PBA MVP June Mar Fajardo sa 13 points.
Tiniyak ni mentor Leo Austria na gagawa sila ng adjustment sa Game Two para maitabla ang serye.
“We have to move forward. We have to adjust next game,” wika ng 60-anyos na si Austria, may perpektong 6-of-6 record sa PBA Finals, sa mga Beermen.
“We’re expecting a real forceful game from them in Game Two, that’s for sure,” sagot naman ng 60-anyos na si Cone.
- Latest
