Marcelino NCAA Best Player
MANILA, Philippines — Dahil sa kanyang ipinakitang husay sa pagsalba sa Lyceum Pirates kontra sa Emilio Aguinaldo College Generals ay napili si Jaycee Marcelino bilang unang “Chooks-to-Go-Player of the Week” sa Season 94 NCAA men’s basketball tournament.
Umiskor ng 13 sa kanyang kabuuang 24 points sa fourth period si Marcelino upang pangunahan ang 106-97 panalo ng Lyceum at agawin ang solo ng liderato sa kanilang 2-0 kartada.
“Ayaw kong matalo eh, kaya pinagpursigihan kong magtrabaho sa court para maibalik namin ang lamang namin at manalo kami,” sabi ni Marcelino, ang 2017 NCAA Rookie of the Year, na kumolekta rin ng 8 rebounds, 5 steals at 2 assists para sa Pirates noong Biyernes sa FilOil Flying V Center sa San Juan City.
Sa dalawang laro ng Intramuros-based Pirates kabilang na ang 85-80 panalo laban sa San Sebastian Stags noong opening day sa MOA Arena, nag-average ang 20-anyos na guard ng 18.5 points, 6.5 rebounds, 3.0 assists, 3.5 steals sa mahigit isang linggo sa torneo.
- Latest
