Kris mas gustong dyowain si Alden kesa kay Joshua

Kakaaliw ang sagot ni Kris Aquino sa presscon ng I Love You Hater held last Monday night kung mai-inlove ba rin siya kay Joshua Garcia sakaling ka-age niya si Julia Barretto na mga co-stars niya sa movie.

Upon hearing the question, nag-sorry agad si Kris kay Joshua.

“Ay, sorry Joshua, don’t hate me ha?” ani Kris.

“Kung age lang ako ni Julia...and sorry ABS-CBN, “don’t hate me for this answer, si Alden (Richards) ang pipiliin ko,” sagot ni Kris na umani agad ng reaksyon mula sa fans at sa entertainment press.

“Sorry po, I apologize and no offense to anybody here. Huwag kayong magalit sa akin, tropang Joshua, don’t hate me. Pero kasi, ang kay Julia, kay Julia na. So, si Alden, libre pa,” she added.

Sa group interview after the Q&A ay natanong si Kris kung bakit si Alden ang pinili niya at aniya, bumilib daw siya kay Alden sa Martial Law Special ng Alaala ng GMA-7 kung saan ay gumanap ang aktor bilang Boni Ilagan.

“Nabilib ako, sorry ha, because of that Martial Law special. I watched it and I was given a copy by direk Adolf (Alix, the director of the special), galing na galing talaga ako sa kanya.

“And also because... sorry ha, may weakness talaga ako sa dimple. Kasi, both my children have. May dimple sila. And ang kinis niya (Alden).

“Siguro, gugustuhin mo kung ano ‘yung meron ka. And feeling ko kasi, kasing-kinis ko siya kaya nakyutan na nakyutan lang talaga ako sa kanya and ano, feeling ko din kasi, pag nakikita mo kasi kung gaano kabait sa family, it has an effect on me.

“And alam ko kasi, because friends ko ‘yung mga taga-Laguna who are in the LGU there, so alam ko what his life has been like and what he went trough to get where he is.

“And he’s just really cute (sabay-tawa). As babaw as that, he is cute,” she said.

Pero hindi naman masasabing dehado si Joshua dahil pinuri niya nang bonggang-bongga ang co-actor.

“Si Josh, sabihin ko talaga, hindi, eto talaga... I got into this movie not really knowing him. But the more I got to know him, naintindihan ko na kung bakit in-love si Julia,” pahayag ni Kris sa Q&A.

Nagsigawan ang fans since hindi pa nga umaamin ang dalawa na sila na.

Pinuri rin ni Kris ang pagiging mahusay na aktor ni Joshua.

“Hindi siya ever nakalimot ng lines or kung meron man siyang na-miss, siya mismo ang magsasabi, “direk, sandali, sorry.” Ganu’n siya ka-focus.”

Dagdag pa niya, “he is amazing because...one, alam natin, he needs the work, but two, more than that, the work needs him. Kasi, talagang he is the real deal.

“Sinabi ko talaga na...ang tagal ko na, di ba? Ang dami ko nang nakita, ang dami ko nang nakatrabaho. Pero si Joshua Garcia, will be here 15 years from now, 20 yrs. from now. He will become really one of the greatest actors the Philippines ever have.”

Tungkol naman kay Julia, ito ang masasabi ni Kris:

“Julia has hunger and that is very important. Iba ‘yung gutom ka to prove yourself and she has that.”

Samantala, ang I Love You Hater ang comeback mainstream movie ni Kris after a long while habang pang-apat naman itong pelikula ng JoshLia. Nakasentro ang kwento ng movie sa kanilang tatlo na idinirihe naman ni Giselle Andres.

Showing na ang I Love You Hater sa July 11 bilang bahagi ng grand celebration of Star Cinema’s 25th anniversary.