Love posibleng hindi maglaro sa Game One ng serye

CLEVELAND — Ma­nanatili si Cavaliers All-Star forward Kevin Love sa concussion pro­tocol at wala pang kati­ya­kan kung makakalaro siya sa Game One ng NBA Finals laban sa ka­ribal na Gol­den State War­riors.

Ito ang ibinalita ni Cleveland coach Tyronn Lue bago sila umalis pa­tu­ngong San Francisco pa­ra sa kanilang series ope­ner ng Golden State bukas (Manila time).

Hindi nakalaro si Love sa Game Seven ng Eas­tern Conference finals sa Boston matapos makabanggaan ng ulo si Cel­tics rookie Jayson Tatum sa Game Six.

Si Jeff Green ang su­malo sa naiwang trabaho ni Love sa Game Seven at tumapos na may 19 points at 8 rebounds sa 87-79 pagsibak ng Cavaliers sa Celtics.

Samantala, naghaha­nap naman si Warriors in­jured forward Andre Iguodala ng paraan para makabalik mula sa isang leg injury.

Hindi nakita sa ak­syon si Iguodala sa hu­ling apat na laro ng Wes­tern Confe­rence finals kung saan sinibak ng Gol­den State ang Houston Rockets, 4-3.