Aces ipinatikim angunang talo ng Texters

MANILA, Philippines — Walang humpay na de­pensa ang ipinalasap ng Alaska para mantsa­han ang dating imakula­dang record ng TNT Ka­tropa.

Nagtayo ng 18-point lead sa second period, binalasa ng Aces ang Tropang Texters, 110-100, sa 2018 PBA Commissio­ner’s Cup kahapon sa Yna­res Center sa Antipo­lo City.

Binanderahan ni Vic Ma­nuel ang ikatlong su­nod na ratsada ng Alas­ka mula sa kanyang ca­reer-high na 29 points, tam­pok ang 12-of-18 field­goal shooting.

Nag-ambag si import Antonio Campbell ng 23 points at 20 boards kasunod ang 10 at 9 markers nina JVee Casio at Calvin Abueva, ayon sa pagka­ka­sunod.

“To force some misses and take some shots away was very good,” sa­bi ni Alaska coach Alex Compton sa kabuuang 37-of-95 fieldgoal shoo­ting ng TNT Katropa.

Unang natalo ang Aces sa Rain or Shine Elasto Painters, 103-109, no­ong Abril 27 bago tinalo ang Blackwater Elite, 93-74, at dinurog ang Columbian Dyip, 134-103.

Dahil dito ay nagka­roon ng four-way tie pa­ra sa liderato sa magkaka­tulad na 3-1 baraha ng Alas­ka, TNT Katropa, Rain or Shine at Meralco.

“Ginagawa ko lang talaga ‘yung best ko, kung ano ‘yung maitutulong ko sa team,” sabi ni Manuel.

Itinayo ng Aces ang 10-point lead, 28-18, sa first period hanggang ku­nin ang 18-point advan­tage, 59-41, mula sa da­lawang free throws ni Ma­nuel sa huling 14.5 segundo ng second quarter.

Ang three-point shot ni Kevin Racal sa pagbu­bukas ng third period ang nagbaon sa Tropang Texters sa 62-43.

Binanderahan ni Jayson Castro ang TNT Ka­tropa mula sa kanyang 18 points kasunod ang 17, 16, 15 at 10 markers nina Ter­rence Romeo, import Jeremy Tyler, Troy Rosario at Cruz, ayon sa pag­ka­kasunod.

Tumapos si Castro na may malamyang 5-of-13 shooting.

Kasalukuyan pang nag­­­lalaro ang San Miguel at Rain or Shine habang isinusulat ito.

ALASKA 110 - Manuel 29, Campbell 23, Casio 10, Abueva 9, Banchero 8, Racal 8, Enciso 7, Magat 7, Thoss 5, Teng 4, Baclao 0, Exciminiano 0, Potts 0.

TNT Katropa 100 - Castro 18, Romeo 17, Tyler 16, Rosario 15, Cruz 10, Pogoy 9, Semerad 5, Trollano 5, Reyes 3, Paredes 2, Golla 0, Carey 0, Garcia 0, Saitanan 0.

Quarterscores: 34-26; 59-43; 85-67; 110-100.