Slaughter naging maganda ang pagbabalik sa Ginebra

MANILA, Philippines – Matagumpay ang na­ging pagbabalik ni Greg Slaughter matapos ang tat­long buwang pagka­wala nang tulungan ang Ba­rangay Ginebra na ma­kasungkit ng kauna-una­hang panalo sa 2018 PBA Commissioner’s Cup no­ong Biyernes ng gabi.

Kumamada ng 12 puntos at 6 rebounds ang se­ven-footer na si Slaughter sa loob ng 25 mi­nuto na siyang naging malaking tulong sa 105-91 panalo ng Gin Kings kontra sa Blackwater Elite sa Alonte Sports Are­na sa Biñan, Laguna.

“Definitely, I’m not in shape yet,” wika ni Slaughter. “I need to work on that in next co­ming weeks.”

Huling naglaro si Slaughter sa dulo ng 2018 Philip­pine Cup elimination round bago magtamo ng ankle sprain injury.

Hindi na rin siya naka­paglaro sa buong playoff campaign ng Ginebra na tuluyang ininda ng ko­po­­nan nang yumukod sa nagharing San Miguel sa ka­nilang se­mifinals series, 1-4.

At sa inaasahang pagbabalik niya sa import-laden conference ay lu­mala ang kanyang ankle injury kaya’t hindi pa na­kasama sa unang dalawang laro ng Gin Kings na parehong nagresulta sa kabiguan.

Aminado ang da­ting Rookie of the Year na hindi pa siya 100% ngu­nit kinailangan nang bumalik upang matulu­ngan na ang koponang nag­kukumahog sa mid-season conference.

Iniinda pa aniya ni Slaughter ang kaunting sa­kit sa kanyang sakong.

Sa pagbabalik ni Slaughter ay halos na­kum­pleto na rin ang pu­wersa ng Ginebra para sa misyong ma­kabalik sa kon­­tensyon sa 2018 PBA Commissioner’s Cup.

Bukod sa kanya ay nag­balik na rin sina back up center Prince Caperal at guard Paolo Taha na galing din sa mga injuries habang naglaro naman sa kabila ng knee in­jury si power forward Joe Devance.

Inaasahan namang ba­balik ang isa pang big man ng Ginebra na si forward Jervy Cruz sa mga su­sunod na laro upang ma­­kumpleto na ang puwersa ng Gin Kings na hangad makapanhik sa itaas ng team standings matapos ang malamyang 0-2 start.