To Tweak or not to Tweak
Sa pagkawala ni Kevin Alas sa NLEX dahil sa ACL injury, nabawasan din ng materyales si coach Chot Reyes para sa Gilas pool.
Pero may malawak pa rin na pool na pagpipi-lian ng mga players si Reyes dahil sa desisyon ng PBA board na tanggalin na ang restriction sa numero ng players na pwedeng hiramin ng Gilas sa bawat PBA teams.
Matagal-tagal pa naman ang susunod na leg ng FIBA World Qualifiers kaya’t hindi pa gumagawa si Reyes ng hakbang na kaalinsabay ng bagong PBA board resolution.
Actually, nagpahiwatig na si Reyes ng posibleng pagbalasa ng Gilas pool pero ito ay depende pa rin sa training situation na ipagkakaloob sa kanya ng PBA.
“If we open up and get new players, we need time para magkakila-kilala and to understand the system. Kung hindi naman kami bibigyan ng oras para mag-ensayo, I will stick to the regular players. At least magkakakilala na sila,” ani Reyes.
“If you bring in new guys, balik kami step one from way, way back. Hindi makukuha ang sistema kung walang practice,” dagdag pa ni Reyes.
Si Marcio Lassiter at Greg Slaughter ang kursunadang-kursunada ni Reyes na masama sa pool.
“There’s no secret that I always like Marcio. And I’d really love to get Greg playing and practicing with the group,” ani Reyes.
Ang siste, may problema pa daw sa FIBA papers si Slaughter.
“Asian Games pa lang ang nalaruan ni Greg. May kulang pang dokumento for FIBA games eligibility,” ani Reyes.
Parehong kaso ang hinaharap ng mga batikang Fil-Am players na sina Chris Ross, Alex Cabagnot at Stanley Pringle kaya’t hindi sila puwedeng ikonsidera na lumaro sa Gilas.
Kung mabigyan ng at least three weeks na araw-araw na practice bago ang bawat isang FIBA window of competitions, walang duda si Reyes na huhugot sila ng puwesto sa 2019 FIBA World Cup sa China.
- Latest
