Warriors may regalo sa birthday ni Curry

OAKLAND, California – Ipinagdiwang ni Stephen Curry ang kanyang pang-30 kaa-rawan na nasa bench.

Ngunit may magandang regalo naman ang Golden State para sa kanya.

Humataw si Kevin Durant ng 26 points at tinulungan ang Warriors na makalayo sa fourth period patungo sa 117-106 paggupo sa Los Angeles Lakers.

Ito ang pang-walong sunod na home game win ng Golden State ni coach Steve Kerr, isinalang ang starting lineup na binubuo nina Durant, Quinn Cook, Nick Young, Kevon Looney at Zaza Pachulia.

Nagbalik si Pachulia sa starting lineup sa unang pagkakataon matapos ang All-Star break at nagdag-dag ng 10 points, 12 rebounds at 5 assists para sa defending champions.

Ito ang ikatlong sunod na laro ng Warriors na naupo si Curry sa bench dahil sa right ankle injury habang ang kanyang ‘Splash Brother’ na si Klay Thompson ay kasalukuyang may fractured right thumb.

Sa Boston, rumesbak ang Washington Wi-zards mula sa double-digit deficit para balikan ang Celtics via double overtime, 125-124.

Kumolekta si Bradley Beal ng 34 points, kasama ang apat sa se-cond extra period para kumpletuhin ang pagba-ngon ng Wizards buhat sa 20-point disadvantage.

“It tested who we were as a team,’’ sabi ni Beal. “They came out and played a lot harder than we did the first half. I definitely credit my teammates. We did a good job of staying poised and battling.’’

Naimintis ni Jaywon Tatum ang kanyang tangka sa three-point line na siya sanang nagpanalo sa Celtics, nag-laro na wala ang anim na players.