Janda lumangoy ng gold
JACKSONVILLE, FLORIDA -- Nasungkit ni Philippine Swimming League (PSL) standout Master Charles Janda ang unang puwesto sa boys’ 9-year 100 butterfly sa 2018 Bolles School Sharks TYR February swimming competition na ginanap sa Cecil Aquatics Center.
Pinagharian ni Janda ang naturang event matapos irehistro ang isang minuto at 19.63 segundo upang ungusan si Christopher Jeong ng South Korea na nagtala ng 1:21.25.
Pumangatlo naman ang Bataan pride sa 50 backstroke kung saan nagtala ito ng 36.87 segundo laban kina topnotcher Ryan Sepulveda at second placer Clay Magyar na naorasan ng 36.77 segundo at 36.85 segundo, ayon sa pagkakasunod.
Nagningning rin si Diliman Preparatory School tanker Paul Christian King Cusing nang makapilak ito sa boys’ 17-year 100 butterfly sa pamamagitan ng kaniyang 53.16 segundong naisumite.
“The kids perform well despite of the winter weather. They’re not used to competing in a cold weather but I am proud of them and it was a very good exposure for them. I salute them and congratulations to all of them,” wika ni PSL President Susan Papa.
Magtatangka rin sa medalya sina Francino Archer Corpuz (boys’ 10-under) at Paula Carmela Cusing (girls’ 14-year) at iba pa.
- Latest
