Perez hangad ang titulo ni Roach

MANILA, Philippines — Pagkakataon na ni Fi­lipino fighter Rey “Flash” Perez na mai­pakita ang kanyang husay sa harap ng Americans fans.

Nakatakdang hamu­nin ni Perez si undefea­ted junior lightweight pros­pect Lamont Roach, Jr. ngayon sa MGM National Harbor sa Maryland, USA.

Tatangkain ng tubong Laguna na si Perez na maagaw kay Roach ang suot nitong World Boxing Council Youth su­per featherweight title sa kanilang 10-round main event ng Golden Boy Boxing.

Bitbit ng 27-anyos na si Perez ang 21-8-0 win-loss-draw ring record ka­sama ang 6 knockouts kumpara sa taglay na 15-0-0, 6 KOs card ng 22-anyos na si Roach.

Nakamit ng pambato ng Upper Marlboro, Ma­ryland ang National Golden Gloves title no­ong 2013.

Ito ang magiging ika­apat na laban ni Roach ngayong 2017, ang huli ay nang umiskor ng first-round TKO laban kay Dominican jour­neyman Luis Hinojosa noong Oktubre.

Itataya ni Roach ang WBC Youth super featherweight belt sa ikalawang sunod na pag­­kakataon.