Walang kawala: Standhardinger sa SMB, Ravena sa NLEX
Ang top three picks sa PBA Rookie Draft kahapon na sina No. 1 pick Chris Standhardinger ng San Miguel (gitna), No. 2 Kiefer Ravena ng NLEX (kanan) at No. 3 Ray Mar Jose ng Blackwater (kanliwa). PM photo ni Ernie Peñaredondo
MANILA, Philippines — Nakasuot ng itim na damit at sapatos, kumpiyansa si Christian Standhardinger na lalo pa niyang mapapa-tingkad ang kampanya ng San Miguel para sa darating na PBA season na magsisimula sa Disyembre 17.
Opisyal na hinirang ng Beermen ang 6-foot-8 na si Standhardinger bilang No. 1 overall pick ng 2017 PBA Rookie Draft kahapon sa Robinson’s Place sa Ermita, Manila.
Dumating sa bansa ang Fil-German center noong Sabado ng gabi.
“I’m just so grateful that I can play in the PBA, that I can play for San Miguel,” wika ni Standhardinger. “Hopefully we can win some championships together. I can’t wait to start.”
Para mahugot si Standhardinger mula sa Kia ay ibinigay ng San Miguel sina Ronald Tubid, Rashawn McCarthy, Jay-R Reyes at isang 2019 first-round pick.
Hindi pa kaagad makakasama ni Standhardinger sa bench ng Beermen sina four-time PBA Most Valuable Player June Mar Fajardo, Arwind Santos, Alex Cabagnot at Chris Ross para sa 2018 PBA Philippine at Commissioner’s Cup.
Tatapusin muna niya ang kanyang kontrata para sa Hong Kong Eastern Long Lions sa ASEAN Basketball League sa Abril ng 2018.
“I think if I give my all I can also help to make the team maybe a little bit better,” sabi ni Standhardinger sa San Miguel.
Isinilang sa Munich, West Germany ng kanyang inang Pinay na si Elizabeth Santos Hermoso, tubong Angono, Rizal, noong Hulyo 4, 1989, si Standhardinger ay isang undrafted player noong 2014 NBA Rookie Draft.
Ang maternal grandfather ni Standhardinger na si Boy Hermoso, naglaro sa CYMCA basketball championship noong 1950s, ang nagturo sa kanyang maglaro ng basketball.
Noong 2007 ay naging miyembro si Standhardinger, nag-aral at naglaro sa Nebraska at Hawaii, sa national under-18 team ng Germany.
Matapos ang 10 taon ay napasama si Standhardinger sa Gilas Pilipinas bilang kapalit ni naturalized player Andray Blatche at naglaro sa nakaraang 2017 William Jones Cup sa Taiwan at sa 2017 FIBA Asia Cup sa Lebanon.
Tumulong din ang 28-anyos na sentro sa pag-angkin ng Gilas cadets sa gold medal sa 29th Southeast Asian Games sa Kuala Lumpur, Malaysia.
Bukod kay Standhardinger, ang iba pang nakuha sa first round ay sina No. 2 Kiefer Ravena (NLEX), No. 3 Raymar Jose (Blackwater), No. 4 Jason Perkins (Phoenix), No. 5 Jeron Teng (Alaska), No. 6 Robert Herndon (Globalport), No. 7 Rey Nambatac (Rain or Shine), No. 8 Sidney Onwubere (Phoenix), No. 9 Lervin Flores (Star), No. 10 Mark Anthony Tallo (TNT Katropa), No. 11 Jon Gabriel. (TNT Katropa) at No. 12 Jett Manuel (Ginebra).
Nahugot naman sa second round sina No. 13 Jon Grospe (NLEX), No. 14 Joseph Gabayni (Star), No. 15 Emil Palma (Blackwater), No. 16 Julian Sargent (Star), No. 17 Louie Vigil (San Miguel), No. 18 Davon Potts (Alaska), No. 19 Jom Sollano (Rain or Shine), No. 20 Gwyne Capacio (Star), No. 21 Jayson Grimaldo (Phoenix), No. 22 Monbert Arong (TNT Katropa), No. 23 Winston Baltazar (Phoenix) at No. 24 Andreas Cahilig (Globalport).
Sa fourth round nakuha sina No. 36 Arvie Bringas (Kia), No. 37 Felix Apreku (NLEX), No. 38 Clyde Drexler Neypes (Blackwater), No. 39 JK Casino (Phoenix), No. 40 Gian Abrigo (Globalport), No. 41 Joseph Nalos (San Miguel) habang napili sa fifth round sina No. 42 Christian Geronimo (Kia), No. 43 Jon Sumido (Blackwater).
Sa 44 aplikante, si Jeremiah dela Pena ang ‘di nakuha.
- Latest
