Antique handa na sa 2017 Palaro

SAN JOSE, Antique , Philippines  - Binigyan na ng ‘green light’ ng Department of Education at ng Provincial Government ng Antique ang pagdaraos ng 2017 Palarong Pambansa.

Inaasahang dadaluhan ni Presidente Rodrigo Duterte ang makulay na opening ceremonies sa Linggo sa Binirayan Sports Complex.

Nakumpleto na noong Huwebes ang ipinagawang 40-meter grandstand extension, magandang VIP stage, karagdagang lawn tennis courts at rubberized track oval.

Naglagay na din ng mga portable toilets at mga bagong comfort rooms sa sports complex.

Sa opening ceremonies ay dadalhin ni Elma Muros ang torch at si tennis champion Marian Capadocia ang magsisindi sa sulo.