Belo tanggal sa Gilas pool

MANILA, Philippines -  Hindi na masisilayan si Mac Belo sa kampan-ya ng Gilas Pilipinas para sa darating na 2017 Southeast Asian Basketball Association (SEABA) Championship.

Ito ay matapos magkaroon si Belo ng meniscus tear sa kanyang kaliwang tuhod na nangangaila-ngan ng agarang surgery.

Kaagad ipinaalam ng Gilas Cadet ang kanyang injury kay national head coach Chot Reyes noong Lunes ng gabi.

Posibleng hindi makapaglaro ang 6-foot-4 na si Belo sa loob ng apat hanggang anim na linggo.

Nakatakda ang SEABA Championship sa Ma-yo 12-18 sa Smart Araneta Coliseum.

Inamin ni Belo na may masama na siyang nararamdaman sa kanyang kaliwang tuhod sa una niyang paglalaro sa 2017 PBA Philippine Cup.