James, Irving sabay nagpasabog
CLEVELAND – Ipinapakita na ngayon ng NBA champions na Cleveland Cavaliers ang kanilang tunay na katangian.
Nagpasabog si Le-Bron James ng 31 points at nagdagdag si Kyrie Irving ng 26 markers habang tumipa si Kyle Korver ng anim na three-pointers para igiya ang Cavaliers sa 113-104 panalo laban sa Indiana Pacers.
“This is the way we wanted to play coming into February and the guys are excellent so far in this month,” sabi ni James. “It sucks because we have a great rhythm right now and you hate to have the break. But the break is going to be good for everybody. It gives guys an opportunity - if they have some nicks and bruises and things of that nature. Just get away and decompress for a little bit, but we’ve been playing some good basketball.”
Ito ang ikapitong panalo ng Cleveland sa huli nilang walong laro.
Itinala ng Cavs ang 7-1 record ngayong Pebrero matapos magtala ng 7-8 baraha noong Enero.
Nagdagdag si Korver ng 22 points para ma-ging pang-pitong player na nagsalpak ng 2,000 career triples.
Naglaro ang Cavaliers sa ikalawang sunod na pagkakataon na wala si All-Star Kevin Love.
Dala ang 39-16 record, binabanderahan ng Cleveland ang Eastern Conference bagama’t may injury sina Love (knee surgery) at J.R. Smith (thumb surgery).
Sa Orlando, Florida, humataw si LaMarcus Aldridge ng game-high na 23 points para pangunahan ang San Antonio Spurs sa 107-79 pagpapayukod sa Magic.
“I work hard and I get in the gym, so I’m not worried about not working hard,” wika ni Aldridge. “It just happens, but I stuck with it and played more comfortable tonight.”
Sinamantala ng 6-foot-11 na si Aldridge ang pagkawala ni Serge Ibaka sa Orlando.
Noong Martes ay dinala ng Magic ang veteran power forward sa Toronto Raptors para makuha si Terrence Ross at ang 2017 first-round draft pick.
- Latest