Kung si Roach ang tatanungin dapat nang magretiro si Rousey
MANILA, Philippines – Bilang isang Hall of Fame trainer, alam ni Freddie Roach kung dapat nang tumigil ang isang fighter sa kanyang career.
Sinabi ni Roach na panahon na para tuluyan nang magretiro si MMA superstar Ronda Rousey matapos matalo sa kanyang comeback fight kay Amanda Nunes sa UFC noong nakaraang Sabado sa T-Mobile Arena sa Las Vegas, Nevada.
“She doesn’t do well in stand-up (fighting). Everyone has her number now. The thing is, when you get beaten like that sometimes you can come back from that and sometimes no... it depends on the person,” sabi ni Roach kay Rousey sa panayam ng TMZ. “As soon as the first punch landed the fight was over.... 48 seconds of a beating. Her mom is correct (that she should retire),” sabi ni Roach sa TMZ.
Ito ang unang laban ni Rousey 13 buwan makaraang maisuko ang kanyang dating suot na UFC bantamweight crown kay Holly Holm.
Ayon kay Roach, mas mabuting tutukan na lamang ni Rousey ang kanyang pag-aartista matapos mapasama sa mga pelikulang Expendables 3 at sa Fast & Furious 7.
Matapos ang pagpigil kay Rousey sa loob ng 48 segundo ay pinasaringan ni Nunes ang dating UFC queen.
“Forget about Ronda Rousey!” wika ni Nunes kay Rousey. “She’s going to go do movies. Forget about her. She has a lot of money already. That’s it for her. For sure, she’s going to retire.”
Tumanggap si Rousey ng guaranteed prize na $3 milyon para sa kanyang comeback fight habang nakakuha lamang si Nunes ng $200,000 mula sa percentage ng pay-per-view revenue.
- Latest
