Donaire may tatlong laban sa 2017?
MANILA, Philippines – Tatlong laban ang tinitingnan ni dating IBF flyweight, interim WBA superflyweight, WBC/WBO bantamweight, IBF/WBO superbantamweight at WBA featherweight champion Nonito Donaire, Jr. sa susunod na taon sa hangaring mabawi ang kanyang 122-pound crown sa isang rematch kay Jessie Magdaleno.
Sinabi ng 34-anyos na si Donaire na hindi siya nawawalan ng loob matapos ang unanimous decision loss kay Magdaleno sa Las Vegas noong Nov. 5.
“I thought I did enough to win but the judges saw it the other way,” ani Donaire. “If you just focus on results and replay that bad experience in your head over and over, you get depressed and frustrated. When the fight ended, I never put my head down, I never felt down. I entered the ring with pride and I left it with pride. My focus right now is to become better, that’s all.”
Ayon kay Donaire, ang kanyang positibong pana-naw ay mula sa impluwensya ni motivational speaker at best-selling author Tony Robbins na kilala sa kanyang slogan na “Unleash The Power Within.”
Bago ang rematch kay Magdaleno ay gusto ni Donaire na labanan sina Northern Ireland’s unbeaten Carl Frampton at ang dating walang talong Mexican na si Leo Santa Cruz.
Isang opsyon din ang labanan si undefeated WBA superbantamweight titlist Guillermo Rigondeaux ng Cuba.
Maaaring harapin ni Donaire, ang 2012 Fighter of the Year awardee ng Boxing Writers Association of America, ang mananalo sa pagitan nina Ftrampton at Santa Cruz.
“It would be incredible if I could fight Frampton in the UK,” wika ni Donaire. “I was supposed to fight Scott Quigg in London but unfortunately, that didn’t push through.”
Ngayong linggo ay nakatakdang bumalik si Donaire sa gym sa Las Vegas kasama si Cuban trainer Ismael Salas. Sinabi ni Donaire na nag-a-adjust pa sila ni Salas sa isa’t isa.
- Latest
