Susunod na coach ng Team USA manggagaling sa NBA?

MANILA, Philippines - Malamang na isang NBA coach ang susunod kay Mike Krzyzewski bilang United States Olympic basketball coach.

Sinabi ni USA Basketball chairman Jerry Colangelo nitong Martes sa isang interview ng SiriusXM NBA Radio  na malaki ang posibilidad na isang professional coach ang susunod na magmamando ng Team USA.

Kinuha si Krzyzewski bilang US coach noong 2005 nang simulan ni Colangelo ang national team program at inihatid nito ang USA sa Olympics sa ikatlong sunod na pagkakataon sa Rio de Janeiro. Sinabi ni Co-langelo na nais niyang ihayag ang kapalit ni Krzyzewski  sa lalong madaling panahon.

Nagkaroon lamang ng NBA coach ang Team USA nang payagan na lumaro ang mga pro players noong 1992 Olympics.

Si Krzyzewski ay nanalo ng dalawang Olympic gold at dalawang world title.