Tigers at Green Archers magtutuos ngayon Warriors at Maroons bumangon sa kamalasan
MANILA, Philippines – Kapwa winakasan ng University of the East at ng University of the Philippines ang kani-kanilang mga kamalasan.
Bumangon ang Red Warriors mula sa 10-point deficit sa second period para balikan ang nagdedepensang National University Bulldogs, 52-47, sa 78th UAAP men’s basketball tournament kagabi sa Mall of Asia Arena sa Pasay City.
Matapos kunin ng NU ang 26-16 abante sa second quarter ay tumabla naman ang UE sa 34-34 sa 3:24 minuto ng third period.
Isang 13-7 atake ang ginawa ng Red Warriors para iwanan ang Bulldogs sa 47-40 sa 2:59 minuto ng final canto tampok ang basket ni Chistopher Javier.
Huling nakadikit ang NU sa 45-49 galing sa jumper ni Gelo Alolino kasunod ang dalawang free throws ni Edgar Charcos sa natitirang 0.3 segundo para sa UE.
Nagbalik namang muli ang sigla sa laro ng UP nang gantihan ang Adamson, 89-84, sa unang bakbakan.
Naisantabi ng nasabing panalo ng Fighting Maroons ang 68-73 pagkatalo sa Falcons noong nakaraang Linggo para putulin ang limang sunod na kamalasan matapos ang 2-0 panimula.
Nagising ang opensa ni Henry Asilum sa tinapos na 19 puntos mula sa 6-of-11 shooting, habang sina Jet Manuel, Diego Dario at Agustin Amar ay may 16, 14 at 13 puntos, ayon sa pagkakasunod.
May tatlong panalo na ang UP ang pinakamataas sa huling limang taon dahil apat lamang ang pinagsamang panalo ng Maroons mula 2010.
Huling nakatikim ng panalo ang UP noong Setyembre 9 laban sa La Salle.
Ang kartada ng Falcons ay bumaba sa 1-7.
UP 89 - Asilum 19, Manuel 16, Dario 14, Amar 13, Desiderio 8, Longa 8, Juruena 7, Moralde 2, Harris 2, Kone 0, Jaboneta 0, Vito 0, Lim 0.
Adamson 84 - Sarr 18, Garcia 12, Margallo 11, Nalos 8, Ng 8, Capote 7, Tungcab 5, Garcia 5, Escalambre 5, Polican 3, Ochea 2, Camacho 0.
Quarterscores: 19-16; 44-36; 68-56; 89-84.
UE 52 - Javier 16, P. Varilla 10, Abanto 7, Charcos 4, De Leon 4, Palma 4, Batiller 3, Gagate 2, J. Varilla 2, Derige 0, Manalang 0, Penuela 0, Sta. Ana 0, Yu 0.
NU 47 - Aroga 11, Neypes 9, Diputado 8, Alolino 6, Celda 4, Salim 4, Alejandro 3, Tansingco 2, Abatayo 0, Javelona 0, Javillonar 0, Yu 0.
Quarterscores: 8-12; 21-28; 37-36; 52-47.
- Latest