Tutulong pa rin sa Gilas sina David at Rosario
MANILA, Philippines – Patuloy na magiging bahagi ng training pool sina World Cup veteran Gary David at incoming PBA rookie Troy Rosario sa kabila ng kabiguang mapabilang sa 12-man Gilas Pilipinas roster na isinumite ng Samahang Basketbol ng Pilipinas sa FIBA Asia noong Martes.
Si veteran guard Jimmy Alapag ay may quad injury, habang nagbalik sina Aldrech Ramos at Moala Tautuaa sa kanilang mga PBA mother ball clubs.
“We named the 12 because FIBA requires it but there still could be changes. There could be injuries. Anything can happen. Gary and Troy are still fighting for consideration,” sabi ni coach Tab Baldwin matapos ang kanilang ensayo kahapon ng umaga.
Sumama si David sa workout at nagpakita naman si Alapag para ipaalam sa kanyang mga kakampi na may injury siya.
Hindi nakadalo sina Rosario at assistant coach Jong Uichico sa morning session ng Gilas dahil sa ensayo ng Talk ‘N Text.
Ang Tropang Texters ang unang susukat sa Gilas Pilipinas sa three-day MVP Cup na magsisimula bukas sa Smart Araneta Coliseum.
“You’re going to have the support of 100 million people all over the world. They might not be there in person but they’ll be there in spirit. I’ll be one of them. You have my full support and everybody else’s full support,” wika ni Alapag.
Pinasalamatan naman ni Baldwin si Alapag at ang mga players. “All the guys who answered the call, we have unending gratitude for all of them,” wika ng mentor.
Nawala kay David ang puwesto sa Final 12 na napunta kina Dondon Hontiveros at JC Intal, habang kailangan pa ng eksper-yensa nina Rosario at Ramos para agawan sa posisyon sina Asi Taulava, Sonny Thoss, Ranidel de Ocampo at Marc Pingris sa frontline.
Huling naging miyembro ng national team ang 38-anyos na si Hontiveros noong 2002 Busan Asian Games.
Sa Southeast Asian le-vel pa lang nakalaro si Intal pero maganda ang kanyang performance sa nakaraang PBA seaon. (NB)
- Latest
