Azkals may pag-asang pumasok sa World Cup Finals --Palami

MANILA, Philippines – Apat na bansa lang mula sa Asya ang magku-qualify sa World Cup Finals sa 2018 sa Russia at sa tingin ni Azkals manager Dan Palami, may tsansa ang Pinas.

Umaasa si Palami na papabor ang ihip ng hangin para sa Philippine national football para makapasok sa World Cup Finals.

“It’s a tall order for us to make the third round, specially with our group that includes some very strong teams. But the team (Azkals) got off to a good start with two wins and the performance was also very sa-tisfying, so it’s really promising,” sabi ni Palami.

Tinalo ng Philippine Team ang Bahrain sa unang pagkakataon, 2-1 sa Philippine Sports Stadium sa Bocaue, Bulacan noong June 11 bago dinayo ang  Yemen para talunin sa 2-0 noong June 16.

Susunod na kalaban ng Azkals ang Uzbekistan sa Sept. 8 sa Philippine Sports Stadium.

Sinabi ni Palami na ang mga koponan ng South Korea, Japan, Australia at Middle East squads na United Arab Emirates, Iran at Iraq ang mga bigating teams sa Asia, isa sa anim na FIFA continental zones na kasalukuyang tumatakbo ang qualifying rounds.

Ang ibang zones ay ang Europe, North at Central America at Caribbean, South America, Africa at Oceania.

Mula sa 200 bansa, masasala sa kasalukuyang qualifying rounds sa 32 bansa na papasok sa World Cup Finals.

“These Asian teams are always expected to figure prominently in the qualifiers,” sabi ni Palami na aminadong kailangan ng suwerte ng Azkals at kailangan ding magtrabaho ng husto para makapasok sa susunod na round. “But, as they say, anything’s possible,” aniya.

Sa kasalukuyan, ang Group H na kinabibilangan ng Philippines, ang Uzbekistan ang top seed ngunit natalo sila sa North Korea noong June 16, kaya ang North Korea na ang paborito sa grupo.

Haharapin pa ng Philippine Azkals ang North Korea sa Oct. 8 sa Pyongyang, isa sa tatlong natitirang  games ng qualifying round scheduled na lalaruin ng mga Pinoy Booters sa ibang bansa.