Valdez babandera para sa PLDT kontra sa Baguio sa pagbubukas ng Shakey’s V-League

LARO NGAYON

(The Arena, San Juan City)

9 a.m. –  Cagayan vs Champion Infinity (Spikers’ Turf

12:45 p.m. – Fourbees vs Cagayan

2:45 p.m. – Coast Guard vs Navy

4:45 p.m. – Baguio vs PLDT Home Ultera

MANILA, Philippines - Makikita kung maka­ka­ya pa rin ni Alyssa Val­dez na maipakita ang impresibong laro sa collegiate league na UAAP sa pagsalang nito sa PLDT Home Ultera kontra sa Baguio sa pagsi­si­mula ngayon ng 12th Sha­key’s V-League Open Conference  sa The Arena sa San Juan Ci­ty.

Ang laro ay ikatlo at huling labanan sa triple-header ngunit tiyak na ku­kuha pa rin ng interes ang bakbakan dahil sa tam­balan ng mga mahu­husay na baguhan at mga datihan para ipalagay na paborito sa titulo ang koponang hawak ni coach Roger Gorayeb.

Maliban sa two-time UAAP MVP para sa back-to-back champion Ateneo na si Valdez, nasa koponan din ang 6-foot-4 spiker na si Ja­ja Santiago bukod pa sa mahusay na libero ng La­dy Eagles na si Denden Lazaro.

Makakasama nila ang mga subok nang si­na Gretchel Soltones, Ry­zabelle Devanadera, Sue Roces, Lou Ann La­tigay at Rubie de Leon.

“Kombinasyon ito ng youth at experience. Ang maganda lang nga­yon ay nakakapag-ensayo kami dahil mara­ming mga bata na hindi pa nagtatrabaho,” wika ni Gorayeb.

Ang season ay mag­bu­bukas sa pagkikita ng Cagayan Lady Ri­sing Suns at Fourbees ng Per­­petual Help sa alas-12:45 ng hapon bago ha­linhinan ng bakbakan ng Coast Guard at Navy sa alas-2:45 ng hapon.

Ang Cagayan ang nag­kampeon sa huling con­ference ng V-League at magbabalik sina Ma. Angeli Tabaquero, Pau Soriano, Wenneth Eula­lio, Shiela Pineda at ang MVP sa nagdaang con­ference na si Aiza Maizo-Pontillas para sa hangaring ikalawang sunod na titulo.

Samantala, magsi­si­mula rin ang bagong ta­tag na Spikers’ Turf at magtutuos sa unang laro ang Cagayan at Champion Infinity sa alas-9 ng umaga.

Ipaparada ng Caga­yan sina Marck Jesus Es­pejo at Peter Torres na pinangunahan ang Ate­neo at National University na nagtuos sa titulo sa men’s division at napagwagian ito ng Blue Eagles.

Hindi biro ang kala­ban ng Cagayan dahil ang Champion ay ang Systema na naglaro no­ong nakaraang taon sa men’s league ng Sha­key’s V-League at nala­gay ito sa ikalawang pu­westo kasunod ng nag­kampeong Instituto Estetico Manila (IEM).

(ATan)