Kahit may iniindang sakit sa likod Roach ipinagpapatuloy ang pagsasanay kay Pacquiao

MANILA, Philippines – Hindi lamang si Manny Pacquiao ang nahihirapan sa kanyang trai­ning kundi maging si chief trai­ner Freddie Roach.

Lingid sa kaalaman ng nakakarami, patuloy na pinamamahalaan ni Roach ang pag-eensayo ni Pacquiao bagama’t ku­mikirot ang kanyang li­kod.

Ito ay bukod pa sa kan­yang Parkinson’s Di­sease na kanyang nakuha matapos ang boxing career niya.

“It’s holding up OK, it’s a lot of bad luck,” sabi ng 55-anyos na Hall of Fame trainer sa kanyang na­raramdaman.

“But it’s a pinched nerve and my nervous sys­tem is getting a little clogged up, right now. I have a problem with my C-5 and I have a problem with my neck with two bulges and two pinched nerves up there but it doesn’t slow me down,” dag­dag pa nito.

Sa kabila nito, si Roach pa rin ang nanga­ngasiwa sa paghahanda ng Filipino world eight-di­vision champion sa la­ban nito kay Floyd Mayweather, Jr. sa Mayo 2 sa MGM Grand sa Las Vegas, Nevada.

Sinabi ni Roach na siya pa rin ang gumagabay kay Pacquiao sa loob ng boxing ring sa kanilang en­sayo.

Ang ipinaalala lamang niya kay ‘Pacman’ ay huwag siya nitong tamaan ng suntok sa mukha.

“The only rule that I changed is I’m not going to let anyone hit me in the face anymore because that’s just too much for me,” ani Roach.

Katuwang ni Roach pa­ra sa training camp ni Pacquiao sina trainer Bu­boy Fernandez at strength and conditiong coach Justin Fortune.

Matapos ang laban ni Pacquiao kay Maywea­ther ay igigiya naman ni Roach si Miguel Cotto para sa laban nito sa Hun­yo.

“He’s got a fight co­ming up and hopefully he’ll get a big fight in September,” wika ni Roach. “So I’m excited.”