Baldwin, tennis, football sa PSA Forum ngayon
MANILA, Philippines – Ang mga national teams ng basketball at tennis ang babandera sa special session ng Philippine Sportswriters Association (PSA) Forum sa Shakey’s Malate.
Gagawin ni Gilas Pilipinas coach Tab Baldwin ang kanyang unang appearance sa weekly forum upang talakayin ang mga plano at programa para sa national men’s team na maghahanda para sa FIBA-Asia Men’s Championship na qualifier ng 2016 Rio Olympics.
Makakasama niya si Samahang Basketbol ng Pilipinas (SBP) Deputy Executive Director for International Affairs Butch Antonio.
Pamumunuan naman ni administrator Randy Villanueva sa session na isinasaere sa DZSR Sports Radio 918 at inihahandog ng San Miguel Corp., Accel, Shakey’s at ng Philippine Amusement and Gaming Corp. ang Phl Davis Cup team.
Dadalo din sa sesyon sina Azkal player Chieffy Caligdong, Belle Tiongco ng Pru Lifen UK at Spears-Sports president Albert Almendralejo para sa Football For A Better Life Program.
- Latest