Pasok na sa semis, sinibak ang Barako, kuha agad ng Texters

MANILA, Philippines - Hindi na sinayang ng No. 1 Talk ‘N Text ang pagkakataong makapasok sa semifinal round matapos nilang sibakin ang No. 8 Barako Bull, 99-84, sa 2014 PBA Governors’ Cup kagabi sa Smart Araneta Coliseum.

Umiskor si Niño ‘KG’ Canaleta ng 25 points, kasama dito ang 6-of-11 clip sa three-point range, habang may 24 markers si import Paul Harris kasunod ang 16 ni Jayson Castro at 14 ni Ranidel De Ocampo para sa Tropang Texters, humawak ng ‘twice-to-beat’ advantage laban sa Energy Cola.

Lalabanan ng Talk ‘N Text ang mananalo sa pagitan ng No. 4 San Mig Coffee at No. 5 San Miguel Beer na naglalaro pa habang sinusulat ang balitang ito,  sa best-of-five semis series.

“No matter who we play it’s gonna be a tough series,” sabi ni coach Norman Black sa semis. “I don’t really care who we play against. It’s just about my team focusing on our goals.”

Ipinoste ng Barako Bull ang 56-47 kalama-ngan sa 8:16 ng third period kasunod ang pagpapakawala ng Talk ‘N Text ng 20-7 atake para kunin ang 67-63 bentahe sa hu-ling 2:12 minuto ng laro.

Itinumpok ng Tropang Texters ang 18-point lead, 97-79 sa huling 3:18 minuto ng fourth quarter para sibakin ang Energy Cola.

Nauna nang ginulat ng Barako Bull ang Talk ‘N Text, 88-74, noong Hun-yo 10 kung saan kumolekta si import Allen Durham ng 28 points at 29 rebounds.

Samantala, sisikapin ng No. 2 Rain or Shine at No. 3 Alaska na makuha ang dalawang semifinals ticket sa pagsagupa sa No. 7 Air21 at No. 6 Barangay Ginebra, ayon sa pagkakasunod.

Magtatapat ang Elasto Painters at ang Express nga-yong alas-5:45 ng hapon kasunod ang banggaan ng Aces at ng Gin Kings sa dakong alas-8 ng gabi sa Big Dome.

Kapwa may bitbit na ‘twice-to-beat’ advantage ang Rain or Shine at Alaska kontra sa Air21 at Ginebra.

Ang mga mananalo sa dalawang match-up na ito ang siyang maghaharap sa isa pang best-of-five semis series.