Hindi pa napapanalisa ang negosasyon Arum itinangging plantsado na ang rematch nina Pacquiao at Bradley

MANILA, Philippines - Bagama’t napaulat nang desidido na si Manny Pacquiao sa rematch kay Timothy Bradley, Jr., hindi pa ito na­papanalisa.

Ito ang pahayag kahapon ni Bob Arum ng Top Rank Promotions kaugnay sa Pacquiao-Bradley II sa  Ab­ril 12 sa MGM Grand sa Las Vegas, Nevada.

Ngunit hindi naman itinanggi ng 82-anyos na pro­moter na nakikipag-usap siya sa kampo ni Bradley, ang kasalukuyang World Boxing Organization (WBO) welterweight titlist.

“That’s the one that we’re working on now, and it may not be the one that takes place. Although I believe that the issues are being narrowed down, and I’m optimistic,” wika ni Arum sa panayam ng The Ring.

Idinagdag pa ng promoter na kailangan muna ng pro­seso bago maitakda ang isang laban, lalo na sa antas nina Pacquiao at Bradley.

“This process takes time and you can’t just make it happen. Obviously, if I didn’t think that it had a possi­bility of happening, then I wouldn’t bother negotia­ting,” ani Arum.

Natalo si Pacquiao (55-5-6, 38 KOs) kay Bradley (31-0-0, 12 KOs) sa pamamagitan ng kontrobersyal na split decision noong Hunyo 9, 2012.

Kasunod nito ay pinatumba naman si Pacquiao ni Juan Manuel Marquez (55-7-1, 40 KOs) sa sixth round sa kanilang ikaapat na paghaharap noong Disyembre 8, 2012.

Noong Nobyembre 24, 2013 ay nagbalik sa aksyon ang Filipino world eight-division champion kung saan niya dinomina si Brandon ‘Bam Bam’ Rios sa isang non-title, welterweight fight sa Macau, China.

Maliban kay Bradley, nasa listahan rin ni Pacquiao si WBO light welterweight king Ruslan Provodnikov (23-2-0, 16 KOs).

Tinalo ni Bradley si Provodnikov via unanimous de­cision sa kabila ng pagtumba sa 12th round sa kanyang unang title defense noong Marso kasunod ang split decision win niya kay Marquez noong Oktubre ng 2013.

Ayon kay Arum, marami pang puwedeng mangya­ri kung ang susunod na laban ni Pacquiao.

“I’ve been involved in this business for so long that I know that until everything is agreed to, then there’s no fight. If it ends up blowing up in our face, and he ends up fighting Provodnikov, then you look like a horse’s ass,” ani Arum. “So the process is ongoing. It’s not done. These things take a long time to finish the ne­gotiations.”

Sinabi pa ng tanyag na promoter na kailangan mu­nang magkasundo ang dalawang boksingero bago ma­tiyak ang kanilang laban.

“Now, are we talking to the fighters about that fight and trying to get everything done? Yeah. But it’s not done yet, and it will never get done if we don’t reach an agreement with those fighters. There are all of these points and all of these side issues, and you’ve got to sort through it all and hopefully, eventually, it will get done. There’s no guarantee,” wika ni Arum.