Matatapos na ang career ni ‘Pacman’ - Garcia

MACAU -- Sinabi ni Robert Garcia, ang chief trainer ni Brandon Rios, na nakikita na kay Manny Pacquiao ang senyales ng pagwawakas ng kanyang boxing career.

Nagmula si Pacquiao sa dalawang sunod na pag­­katalo kina Timothy Brad­­ley, Jr. at Juan Ma­nuel Marquez.

Ayon kay Garcia, na­papansin na niya ang pag­hina ng Filipino boxer na dating itinuring na ‘best pound-for-pound fighter ‘ sa buong mundo.

“Everybody’s end comes someday and it could be this fight,” wika ni Garcia kay Pacquiao. “He does have a lot to lose in this fight, and that’s pressure not only for him but his trainer and everybody in his camp.”

Pinagtawanan lamang ito ni Freddie Roach, ang chief trainer ni Pacquiao.

“When does he watch my guy? Does he see my guy train every day, does he see the sacrifices my guy goes through, does he see the roadwork we do every day?” ani Roach.

Sinabi ni Roach na si­ya mismo ang magsasabi kay Pacquiao na magreti­ro kapag nakita niyang wa­la na itong ibubuga sa iba­baw ng boxing ring.

“If Manny shows any sign of slippage in training camp I’d be the first to tell him it’s time to quit, and it’s not time yet for sure,” ani Roach.