Matapos ang kanselasyon noong Lunes Magagandang karera nakatakda sa Linggo

MANILA, Philippines - Babawi ang Metro Turf Club sa kanselasyon ng mga karera noong Lu­nes sa inaasahang magandang tagisan ng mga two year-old-horse sa Linggo.

Ang race track sa Mal­var, Batangas ang si­yang pagdarausan ng 2nd leg ng Philracom Juvenile Colts and Fillies Stakes race na gagawin sa 1,200-metro distansya.

May kabuuang 11 ka­bayo ang kasali sa dalawang stakes races na ito na itinaguyod ng Philippine Racing Commission (Philracom) at sinahugan ng tig-P500,000.00 kabu­uang gantimpala at ang ma­nanalo ay mag-uuwi ng P300,000.00 premyo.

Apat rito ang magsu­sukatan sa colts.

Ang mga kabayong mag-aagawan sa premyo ay ang Ma­­tang Tubig, Young Turk, Muchos Gra­cias at Ri­­­ver Mist.

Ang unang dalawang ka­bayo ang naglaban sa 1st leg at ang Matang Tubig ang kumuha ng panalo sa karerang inilagay sa 1,000-metro distansya.

Mas mahaba ng 200-metro ang magaganap na tagisan at magi­ging krusyal ito lalo pa’t na­huli lamang ang remate ng Young Turk na pag-a­ari ni Tarlac Representative Jeci Lapus.

Parehong mga bagong salta ang Muchos Gracias at River Mist pero tiyak na inihahanda ito nang husto ng kanilang connections pa­ra makuha ang panalo at maihanay ang sarili bilang pinakamahusay na colts sa taon.

Ang Marinx na pag-aari ni Mayor Leonardo 'Sandy' Javier, Jr. ang mag­tatangka na makada­la­wang sunod na tagum­pay sa hanay ng mga fillies.

Pero hindi rin magi­ging madali ang bagay na ito dahil sa mga determinadong katunggali na bi­nu­buo ng mga kabayong Donttouchthewine, Kukurukuku Paloma, Mona’s Art, Move On, Priceless Joy at Up And Away.

Ang kabayong Kuku­rukuku P­aloma ay sariwa sa pagkapanalo sa isang 2YO Maiden race kama­kailan para maipakita na kondisyon na ito.

Ang Mana’s Art, Move On and Up And Away ay nasalang naman sa PCSO Maiden  Race no­ong Hulyo 20.

Talunan ang tatlo ng Young Turk sa PCSO race pero mapapabor sa kanila ang pagkakaroon ng kara­nasan sa pista na kung sa­an tatakbo sa unang pag­ka­kataon ang Marinx.

Ang papangalawa sa da­lawang stakes races na ay magkakamit ng P112,500.00, habang prem­yong P62,500.00 at P50,000.00 ang mapapa­sa­kamay ng papangatlo at papang-apat sa datingan.