Hiyasmin (311)
MASAYANG-MASAYA sina Hiyasmin at Dax nang sabihin ni Siony na isang baby girl ang isisilang ni Hiyasmin. Masaya rin si Mama Lira sa narinig.
“Napakaganda ng magiging anak ninyo, Hiyasmin, Dax!”
“Kamukha po ni Hiyasmin, Tita Siony?” tanong ni Dax.
“Oo.”
“Hindi ba kamukha ko?’’ tanong ni Mama Lira.
Nagtawa si Siony.
“Me hawig—konti lang,’’ sabi nito.
“Tiyak na maganda ang apo ko dahil ang guwapo ng lolo.”
“Oo nga,’’ sabi naman ni Siony. “Talo pa ni Rashid ang artista.”
“Tama ka, Siony,” sabi ni Mama Lira at bahagyang nalungkot.
“Siguro kung buhay si Rashid at narito siya, lalo na sigurong ang saya ninyo,’’ sabi ni Siony.
“Tiyak yun, Siony. Sana nga buhay siya at nakita ang magiging apo niya.”
“Teka nga pala, kailan ba darating dito sina Maryam o Mary?”
“Next month na raw, sabi ni Hiyasmin.”
“Totoo Hiyasmin?” tanong ni Siony.
“Opo, Tita Siony.”
Kinalabit ni Siony si Lira.
“Hoy ang balato ko ha?” sabi at nagtawa.
LUMIPAS ang isang buwan.
“Love, darating na sina Tita Mary next week. Nag-message siya sa akin.”
“Ipaalam mo kay Mama Lira.”
Itutuloy
- Latest
