Hiyasmin (268)
MULA noon, madalas na ang pagkikita nina Lira at Siony. Si Siony na mismo ang nagpupunta sa bahay ni Lira kapag hindi ito busy. Sabik silang magkuwentuhan.
“May balita ka na ba tungkol kay Maryam, Siony?”
“Wala pa Lira. Tina-try kong makontak ang kaibigan kong Indonesian maid sa Kuwait pero hindi sumasagot. Hayaan mo at kapag may nalaman ako kay Mam Maryam, ire-report ko sa’yo.”
“Salamat Siony.”
“Nagtataka lang ako Lira, bakit naging interesado kang bigla kay Mam Maryam. Sa palagay mo kung magkikita kayo, matatandaan ka pa niya?”
“Malakas ang kutob ko, Siony.”
“Naging close din ba kayong dalawa noong naglilingkod ka sa kanila?”
“Oo.”
“Hindi lang si Rashid ang naging malapit sa iyo?”
“Oo, Siony. May pagkakataon pa nga nagpapaturo si Maryam sa akin ng Tagalog. Kasi ang gusto raw niyang pag-aralan ay tungkol sa mga wika ng iba’t ibang bansa—at kabiland dun ang Filipino o Tagalog.”
“Tinuruan mo naman?”
“Oo. Mabilis siyang matuto. Alam na niya ang “salamat po”, “kumusta”. “mabait”, “maganda”, “matalino” at iba pa.”
“Talaga? Hindi kaya language ang itinuturo niya sa unibersidad sa U.S.?”
“Posible yun.”
“Kung yun ang tinuturo niya, baka fluent na siyang mag-Tagalog ngayon, ano Lira.”
“Maari. Baka sanay na sanay na siyang magsalita ng wika natin.”
“E si Rashid, nagpaturo sa’yo?”
“Oo.”
“Anong tinuro mo sa kanya?”
“Unang tinanong niya sa akin kung ano sa Tagalog ang I Love you. Sabi ko
“Iniibig kita o mahal kita”.
Napamulagat si Siony.
(Itutuloy)
- Latest
