Hiyasmin (259)
“BAKIT kaya siya nagmamadali sa pag-uwi, Siony?’’ tanong ni Lira na halatang nasasabik sa mga nangyari kay Rashid.
“Hindi ko nga alam, Lira.”
“Sino ba ang kasama niya sa bahay sa ganung oras, Siony?”
“Hindi ako sure pero sa halos araw-araw na pag-oobserba ko sa buhay ni Rashid at pamilya niya, nag-iisa lang siya sa bahay dahil nagtatrabaho ang mga magulang niya.”
“Ang isa niyang kapatid na babae? Nasaan?’’
“Ang pagkaalam ko, nasa America at dun nag-aaral.”
“Ano pa ang naobserbahan mo, Siony?”
“Sa gabi, muli siyang lalabas ng bahay. Napapansin ko na balisa siya. Parang hindi mapakali. Dadako siya sa malaking basurahan na malapit na sa bahaging disyerto. Natatandaan mo ang basurahang ‘yun, Lira?”
“Oo. Anong gagawin niya roon?’’
“Basta tatayo lang siya roon. Ganun lang at saka pagkalipas ng mga 15 minutes ay babalik na sa bahay.”
“Dun ako madalas nagtatapon ng basura, Siony.”
“Oo nga. Dun din tayo madalas nagkikita at nagkukumustahan di ba? Tuwing gabi tayo nagtatapon ng basura.”
“Oo.”
“Napapansin ko Lira, lahat nang mga lugar na nagpapaalala sa’yo, pinupuntahan ni Rashid.”
Natigilan si Lira.
(Itutuloy)
- Latest
