Hiyasmin (7)
Ipo-post na ni Dax sa FB ang ID ni Hiyasmin nang bigla niyang maisip na hindi tama yun. Malalagay siya sa isang mahirap na sitwasyon at posibleng magalit pa sa kanya ang may-ari. Mayroong ayaw mapupubliko ang kanilang pagkakakilanlan.
Kahit pa malinis ang intensiyon niya at gustong makatulong kay Hiyasmin, mali ang gagawin niya. Tama na ang ginagawa niyang pagsasabit ng ID sa screen door para matunton ito ni Hiyasmin. Kung walang dumating para mag-claim, wala na siyang magagawa. Hindi na niya aalisin ang ID sa pagkakasabit sa screen door. Ang ginagawa kasi niya ay ipinapasok pa ang ID sa loob ng bahay pagdating niya galing opisina. Ngayon ay hindi na niya aalisin ang ID. Hahayaan na niya roon hanggang sa may mag-claim nito.
Isang hapon na galing opisina si Dax, isang babae ang nakita niyang nasa harap ng kanyang apartment at nakatingin sa ID na nakasabit sa screen door. Ito na kaya ang may-ari ng ID?
(Itutuloy)
- Latest
