Ahas sa Garden (320)
Ginawa ni Brenda ang iniutos ni George na pagdedeliber sa malaking epektos. Iyon ang pinakamalaking naideliber niya na nagkakahalaga ng P20 milyon. Galing US ang ecstasy at naipasok sa bansa ng mga courier na Nigerian. Malaki rin ang ibinayad sa kanya ni George.
Sa restaurant uli na malapit sa casino sila nagbayaran.
‘‘Paldung-paldo ka na Bren. Sa sunod na deliber mo mas malaki pa riyan ang tatanggapin mo.’’
‘‘Gaano kalaki ?’’
‘‘2-M.’’
Napalunok si Brenda.
‘‘Ecstacy ulit?’’
‘‘Nope!’’
‘‘Ano?’’
Inilapit ni George ang bibig sa taynga ni Brenda. Ibinulong.
‘‘Heroine.’’
‘‘Kailan idedeliber?’’
“Wait ka lang. Nasa laot pa. Pinaanod mula sa barko.’’
Napatango si Brenda.
Nang may maaalala si George.
“Kailan tayo magka-casino para maituturo ko sa’yo si Jambo.’’
‘‘Sasabihin ko sa’yo.’’
‘‘Okey, Bren.’’
Isang balak ang naisip ni Brenda laban kay Jambo. Ipapapatay niya ito kay George. Siya naman ang mag-uutos kay George. Makakaganti na siya kay Jambo!
(Itutuloy)
- Latest
