Ahas sa Garden (78)
NAGULAT si Brenda nang makita si Alexis na naglilinis ng swimming pool.
“Bakit ikaw ang naglilinis e masakit pa ang paa mo? Nasaan si Manang?’’
“Hindi na po masakit ang paa ko Mam Brenda. Kaya ko na pong linisin ito.”
“Sigurado ka?’’
“Opo.’’
“Sabagay mabagal kumilos si Manang. Kahapon, ang tagal niya bago naalis ang dumi nitong pool. Naatrasado tuloy ang paliligo ko.’’
“Malinis na ito Mam Brenda at puwede ka nang maligo. Nilagyan ko na rin ng chlorine ang tubig.’’
“Good! Pero siguradong magaling na ‘yang paa mo ha? Baka mamaya e mamaga uli yan dahil nababad sa tubig.’’
“Okey na po, Mam Brenda.’’
“Tingnan ko nga!’’
Ipinakita ni Alexis ang kanang paa na kunwari ay napilay.
Napansin niya na sumulyap muna sa kanyang “umbok” si Mam Brenda.
“Hmmm, mukhang magaling na nga. Baka naman matapilok ka uli. Kung kailan ako may ipagagawa e saka ka naman maaaksidente.’’
“Hindi na po Mam Brenda.’’
“Meron pa naman sana akong ipagagawa sa’yo nung tinawag kita e bigla ka palang natapilok.’’
“Nagmamadali po kasi para pumunta sa kuwarto n’yo e bigla akong natapilok sa may hagdan.’’
“Mag-ingat ka sa susunod.’’
“Opo. E ano po ba ang ipagagawa mo Mam Brenda? Ngayon ko po gagawin?’’
“Ah ‘di bale na. Sa susunod na lang.”
“Okey po.’’
“Pahiran mo na lang uli ako ng lotion. Dun tayo sa lilim ng punong mangga.’’
“Opo Mam.’’
(Itutuloy)
- Latest
