Sadiq(150)
TINAWAGAN ni Sadiq si JayR.
“JayR, may ipakikilala kaming babae sa’yo ni Gina. Magkita tayo mamayang gabi sa paborito nating restaurant sa North Edsa. Baka siya na ang maging kapalaran mo. Napakaganda niya JayR at napakabait.’’
Excited si JayR pero may kaba rin.
“Baka alangan ako sa kanya, Sadiq. Baka sa sobrang ganda niya e magmukha akong pangit.’’ Nagtawa si Sadiq.
“Ano ka ba, JayR? Hindi pa kayo nagkikita ng babae e may “daga” na agad sa dibdib mo. Hindi ka alangan sa ipakikilala namin sa’yo dahil magka-level kayo. Bagay kayong dalawa dahil pareho kayong may itsura. Hindi rin naglalayo ang edad ninyong dalawa. Ikaw ay 30-anyos at siya naman ay 28. Di ba match na match.’’
“Maganda ba talaga siya Sadiq?’’
“Superganda!’’
“Anong pangalan niya?’’
“Bela.’’
“Parang pangalan ng artista, Sadiq.’’
“Oo nga. Artistahin siya, JayR. Kapag kayo ang nagkatuluyan ni Bela, tiyak na ang gaganda ng tsikiting n’yo.’’
“Bakit naman Sadiq?’’
“Pareho nga kayong good looking. Ikaw guwapo siya guwapa.’’
“Thanks Sadiq. ‘Yan ang gusto ko sa’yo e, masyado mo akong pinupuri.’’
“Nagsasabi lang ako ng totoo, JayR.’’
“Tunay ka talagang kaibigan, Sadiq.’’
“Salamat. O sige, mamaya magkita tayo sa North Edsa, 6:00 p.m. Magpaguwapo ka lalo, JayR.’’
“Sige Sadiq, salamat uli!”
KINAGABIHAN, eksaktong 6:00 ay nasa restoran na si JayR. Nagpa-reserved na siya ng mesa. Maya-maya pa dumating na sina Sadiq at Gina, kasama si Bela. Maganda nga si Bela.
Pinagkilala sila.
(Itutuloy)
- Latest
