Sa Piling ng Kalapati (143)

“PARANG ang bilis ng pangyayari Joshua, dalawang beses mo pa lang akong naihahatid e mag-on na tayo ngayon,’’ sabi ni Ruth habang naglalakad sila sa park na nasa loob nang malaking mall.

“Ako rin nga nabibi-lisan. Pero siguro ganito ang nararamdaman ng mga totoong in-love.’’

“Huwag mong ipagsasabi sa mga kasamahan ko na mag-on na tayo. Basta ilihim muna natin. Please Joshua.’’

“Oo naman. Wala naman akong balak. At saka hindi na ako pupunta sa department n’yo.’’

“E di ba nag-oobserve ka?’’

“Style ko lang yun para mapalapit sa’yo.’’

Nagtawa si Ruth.

“Sabi ko na nga ba!’’

“Kinutuban ka rin ha?’’

“Oo. Marami kang gimik, Joshua.’’

“Siyempre gagawin ko ang lahat nang paraan para mapalapit sa’yo.’’

“At okey ang mga ideya mo.’’

“Pero hindi ako lahat ang nag-isip niyon.’’
“E sino?’’

“Si Daddy. Botong-boto sa’yo si Daddy. Bilib na bilib sa’yo.’’

Hindi nakapagsalita si Ruth. Nasisiyahan siya sa nalaman na pati ang daddy ni Joshua ay boto sa kanya.

Pasado alas onse na nang ihatid ni Joshua si Ruth sa condo.

Ipinakilala niya kay Mommy Donna si Joshua.

(Itutuloy)