Sa Piling ng Kalapati (123)

SAGLIT na hindi naka­pagsalita si Ruth dahil sa biglang pagdating ng lalaki na anak ni Bossing. Para bang naengkanto siya.

“Hi good morning!” Sabi niya at tumayo.

Iniabot ng lalaki ang kamay sa kanya.

Nagkamay sila.

“Nice to meet you, Ruth.’’

“Nice to meet you too.’’

“I’m Joshua Villa.’’

“Ikaw ang anak ni Sir Pablo?’’

“Oo.’’

“Take a seat, please.’’

“Thanks.’’

Naupo si Joshua.

“Ano ang maipagli­lingkod ko Joshua?’’

“Wala naman. Hihingin ko lang ang permiso mo para makapag-observe sa department mo.’’

“Sure. Anytime. Makakatanggi ba ako e di sinuspende ako ni Sir Pablo.’’

“No. Walang alam si Daddy dito. Ako lang ang nagkusa.’’

“Bakit?’’

“Gusto kong may malaman sa ginagawa mong paghandle ng department. Nabalitaan ko, ikaw ang nag-improved ng department.’’

“Kanino mo nalaman?’’

“May mga kaibigan ako rito.’’

Napatangu-tango si Ruth.

“Kailan ka mag-uumpisa, Jo­shua­?’’

“Puwede na ngayon?’’

“Ikaw ang bahala.’’

“Salamat Ruth. Palagay ko, ma­rami akong malalaman dito sa department mo.’’

(Itutuloy)