Mandaluyong City boxers nagparamdam agad
MANILA, Philippines — Biñan City--Nagpasiklab ang Mandaluyong City boxing team ng apat na panalo sa pagbubukas ng 2018 Philippine Sports Commission-Manny Pacquiao Amateur Boxing Cup Luzon Quarterfinals sa Jose Rizal Covered Court dito.
Preparadung-preparado ang koponan ni Mayor Carmelita “Menchie” Abalos kaya na-sweep ng Mandaluyong ang four-of-four, dalawa rito ay sa pamamagitan ng referee stop contest at tiwala ang buong koponan na madagdagan pa ito ng tatlo sa huling araw ng labanan ngayon.
Inumpisahan ng 15-anyos na si Ricky Boy Oladive ang mabangis na pagsalakay ng Mandaluyong sa pamamagitan ng RSC panalo kontra kay R. G. Erestan ng Sorsogon sa 1:27 ng first round sa kanilang jr. boys lightflyweight category.
Ang panalo ni Oladive, ay sinundan naman ng 15-anyos na si Dave Asi Laurejas ng isa pang RSC win laban kay Michael Vincent Borja ng La Union sa oras na 1:28 ng second round sa kanilang jr. boys bantamweight category.
Ang ibang nanalo sa Mandaluyong ay sina Remart Gomez via unanimous decision kay Ronnie Musi ng Olongapo City sa boys jr. light bantamweight class at B-Boy Cenita na nanalo via walkover.
- Latest
