Aubrey, gaganap bilang Sarsi Emmanuelle sa MMK

Sino kaya sa mga sexy actress ngayon ang gagaya sa kanya? Mula bold superstar, takilyera na sa perya ang dating pinagpapantasyahan na si Sarsi Emmanuelle. Pero bibihira ang balitang nanggaling mula sa kanya – hanggang ngayon.

Ang isa sa pinakamalaking sexy actress ng kasalukuyang panahon ay magbibigay- buhay sa pinaka-kontrobersyal na sexy actress ng nakaraan ngayong Huwebes sa ABS-CBN. Diskubrihin ang tunay na kwento sa buhay ni Sarsi Emmanuelle ngayong Huwebes, August 7, sa pagganap ni Aubrey Miles bilang Sarsi sa Maalaala Mo Kaya.

Pero mula sa tugatog ng kasikatan bilang isa sa unang bold stars na na-nominate bilang Best Actress sa Urian (para sa The Boatman ni Tikoy Aguiluz noong 1985), misteryoso ang kanyang pagbagsak. Bakit nga ba nag"suicide attempt" siya noon? Ano ang nasa likod ng kanyang pagtalikod sa showbiz pagkatapos gumawa ng mga pelikulang gaya ng Virgin Forest, Brown Emmanuelle, Bomba Queen at Gabi Na, Kumander? At bakit isang tikitera na lamang siya sa perya ngayon?