Kaso batok kang Michelle, Rhian ug Samantha, gibasura

CEBU, Philippines — Gibasura sa Makati City Prosecutor’s Office ang reklamo batok kang Michelle Dee, Rhian Ramos ug Samantha Panlilio kalabot sa giingong assault ug illegal detention.

Kahinumdoman  nga ang reklamo gisang-at ni Bonifacio “Totoy” Baro, kanhi drayber ni Rhian , tungod sa away nga nalambigit sa usa ka red envelope nga adunay sensitibong mga litrato.

Gihangop sa kampo ni Michelle ang desisyon, ug gibutyag nila nga  walay merito ang reklamo sukad pa sa sinugdanan.

Apan sa habig sa Volunteers Against Crime and Corruption (VACC), gitataw niini nga ilang hagiton ang dismissal ug gitawag nila kini nga kuwestiyonable. — SJA

“Blush” sa BINI, nahimong global dance trend

Nisaka og samot ang popularidad  sa latest single sa BINI nga “Blush” human niduyog  sa dance trend niini ang mga miyembro sa international girl groups nga  sama sa ITZY, STAYC, izna, 4EVE, no na, ug Say Now.

Ang nahisgotan nga mga grupo  kay nipakita sa ilang mga bersyon sa pagsayaw niini .

Una nga gipalanog sa BINI ang summery track atol sa ilang performance sa Coachella. Sukad niadto, mas nadani ang music lovers sa hugyaw nga tono ug makalingaw nga choreography niini.

Samtang nagpadayon ang kasikat  sa “Blush,” , nagpungasi usab ang kasikas sa BINI sa global music scene. Malakip  ang grupo sa “Asia Pop Girl Fest 2027” uban sa 4EVE ug HANA sa Chiba, Japan karong Enero 22 ug 23, 2027 , samtang sa Bangkok, Thailand karong  Pebrero 13; ug Manila karong  Pebrero 19.

Samtang nikulit usab og 45 million ka streams sa Spotify ang ilang “Signals” EP.

Magpadayon usab ang BINI sa ilang “Signals” world tour sa Melbourne (Septiyembre 20), Auckland (Septiyembre 25), Sydney ( Septiyembre 27), Singapore ( Oktubre 25) ug Taiwan( Nobiyembre 15).