Kyline, aminadong laging sarili ang pinipili; Barbie, ‘di napaikot sa tanong sa ex

“Always choose yourself. Ikaw muna, bago ‘yung ibang tao,” sabi ni Kyline Alcantara kahapon sa media launching ng revenge drama series, Beauty Empire.

Ito raw ang natutunan niya kay Ruffa Gutierrez na kasama nilang bida ni Barbie Forteza na ang ibang eksena ay kinunan pa sa South Korea.

“Every time you get lost, hanapin mo ang sarili mo,” dagdag pa ni Kyline na nanahimik nang magkaroon ng matinding kontrobersiya sa breakup nila ni Kobe Paras.

Walang kahit anong sinabi si Kyline sa mga intriga noon. Ito na kaya ang mantra niya noon pa that time?

Anyway, inamin niya rin kahapon na matagal na talaga niyang gustong makatrabaho si Barbie.

Matindi ang kanilang tapatan sa nasabing palabas na kasalukuyan nang napapanood sa Viu. Kagabi ay episode 2 na sila.

Ang Beauty Empire marks a significant collaboration between three powerhouses in the media industry GMA Network, Viu and CreaZion Studios na bagong Filipino story na tiyak na maraming makaka-relate.

Sesentro ang kuwento kay Noreen Alfonso (Barbie), a rags to riches beauty entrepreneur na handang pabagsakin ang mga kaaway. She goes head-to-head against Shari De Jesus (Kyline), a crass but social media famous beauty CEO na mentored by Velma Imperial (Ruffa Gutierrez) na idolo ni Noreen sa mundo ng pagpapaganda.

“Ang istorya po namin ay punung-puno ng puso at pagmamahal sa pamilya. With fashion and beauty at its core, we will tackle murder mystery, love for family, and revenge,” sabi ni Barbie.

Ibinahagi rin niya ang naging karanasan sa kanilang shooting sa South Korea.

“Sobrang saya, Challenging siyempre kasi unfamiliar territory, so hindi siya as comfortable as when we shoot here in the Philippines. Pero masaya kasi first of all, lahat talaga very efficient,” dagdag ni Barbie na umaming masaya ang puso sa kasalukuyan at wala talagang nakalusot sa kanyang tanong tungkol sa isyu sa breakup nila ni Jak Roberto.

Kahit pa paikot-ikutin ang tanong sa kanya, wala talaga siyang sinagot at pilit niyang naikonek sa Beauty Empire.

Mapapanood naman beginning July 7 ang Beauty Empire sa GMA Primetime, Mondays to Fridays at 9:35 p.m.