Gabbi, gusto sanang maging piloto

Muling pumirma ng kontrata si Gabbi Garcia sa GMA Network. Mahigit isang dekada nang Kapuso star ang dalaga ngayon. Masayang inalala ni Gabbi ang mga panahong wala pa siya sa show business. “During my early years, hindi ko alam na mag-aartista ako. Ang gusto ko talaga ay maging piloto at maging beauty queen. But then, nakita din ng parents ko na bibo kid ako. Lagi akong sumasali sa contest. Tapos auditon ako nang audition. Gusto ko nagpe-perform sa harap ng crowd. Then eventually, naging artista nga ako,” nakangiting kwento sa amin ni Gabbi sa Fast Talk with Boy Abunda.

Masayang-masaya ang Kapuso actress dahil nabigyan ng pagkakataong makapagtatrabaho sa bakuran ng ABS-CBN. Isa si Gabbi sa mga host ng Pinoy Big Brother Celebrity Collab Edition. “I’m no stranger also sa ABS. I have a lot of friends from ABS. Maybe I’m a people person also. I like conversing with people that’s why I easily get along with both networks. Maybe that’s also a factor. Ate B (Bianca Gonzalez) and Robi (Domingo), they’re guiding me since day one. Sana marami pang collab,” paglalahad ng dalaga.

Bukod sa pagiging aktres sa harap ng kamera ay talagang nai-enjoy ngayon ni Gabbi ang pagiging isang host.

Para sa dalaga ay talagang pinaghuhusayan lamang niya ang bawat proyektong ipinagkakaloob sa kanya. “ I really love my job. I really like what I’m doing. I’m really enjoying with this industry. I’m genuinely having the best time of my life. I wanna make sure that I’m not short-changing people who are supporting me and trusting me. GMA is trusting me, I don’t wanna let them down,” paliwanag niya.

Samantala, napag-uusapan na nina Gabbi at kasintahang si Khalil Ramos ang tungkol sa pagpapakasal. Walong taon nang magkarelasyon ang dalawa ngayon. “Marriage,  of course, oo naman. It’s not like a secret in our relationship. Kasi nasa era kami ngayon na puro kasal ng kaibigan ang pinupuntahan namin. Mostly engagement party, kasal,” pagtatapat ng Kapuso actress.

Nakasuporta umano ang nobyo sa lahat ng ginagawang proyekto ni Gabbi. Malaki ang naitutulong ni Khalil upang mas pagbutihin pa ng dalaga ang trabaho. “I always make him watch all my hostings, my actings, I make him comment, likewise sa akin din. Gano’n din ako sa kanya. What I discovered is we are two very different artists. His process is different, my process is different. I work well under pressure, he can’t. He prepares, he has to have a certain time to prepare. Ako, I can function under pressure. I like it actually. I like it when I’m hosting live. I get excited whenever the FD (floor director) tells me to stretch. Yes! It’s my time to chika. You will know how to troubleshoot on the spot, which I love,” pagbabahagi ni Gabbi. (Reports from JCC)