Ikaupat nga album sa TWICE nakaplastada na!

CEBU, Philippines — Nakahan-ay na ang tanan alang sa gikatakdang  pag-release  sa ikaupat nga album sa K-pop girl group nga TWICE.

Ang maong album kay nag-ulohan og INTRO: FOUR.”

Gipakita na sa niaging adlaw ang teaser niini.

Gikatakdang i-release ang maong  album karong  Hulyo  2025.

Recording Industry gisudlan na sa theater actor na si Vien King

Gipabuhagay sa  award-winning theater actor nga si Vien King   ang dugang  habig sa talento niya sa musika pinaagi sa unang single niya nga “Isa Pang Habang Panahon.”

Si Vien kay usa ka  Gawad Buhay ug LEAF awardee ug nahimong kabahin sa musical nga “Passion” , ug kauban ni Alexa Ilacad sa “Liwanag Sa Dilim.” Finalist usab siya kaniadto  sa  "BidaMan" sa It’s Showtime . Pasok siya  sa umaabot nga musical nga “Side Show.”

Ang iyang awit  nga "Isa Pang Habang Panahon"  kay usa ka madasigon nga balad sa tinuod nga gugma, "second chances", ug "emotional stability" nga gisulat ni Kiko Salazar ug gi-release ubos sa Star Music.

“The first time I heard the song, it felt like it was written for me.It’s about love that lasts—or love that wants to last. It’s something many of us carry quietly in our hearts. I wanted to give that feeling a voice," suma pa ni Vien.

 Naghinam-hinam  na siya mahitungod sa bag-ong hugna  sa iyang karera .

“I’m excited to explore this new chapter. Theater will always be home, but music allows me to share a more personal side of who I am. I hope people find comfort, hope, or even healing in the songs I sing,"  dugang pa niya .

Madungog ang debut single  ni Vien nga “Isa Pang Habang Panahon” sa nagkalain-laing music streaming platforms.