Komportable sa eksena
CEBU, Philippines — Niabag gyud si Jane Oineza ngadto kang Zaijan Jaranilla aron mas komportable kini sa gibuhat nila kissing scene sa digital series nga “Si Sol at si Luna”.
Nasayran nga mas daghan og kasinatian si Jane sa maong klase nga eksena. Gipasalamatan usab niya ang ilang direktor nga si Dolly L. gumikan sa maayong pagdumala niini sa maong proyekto.
Local performers gihangop
Walay paghupas ang kusog nga karisma sa mga lokal nga mag-aawit.
Gihugopan kini sa bagang dout sa katawhan sa bag-ohay lang nga Sonata Bisaya Music Festival .
Ang unang hugna niini kay gipahigayon sa Ayala Malls Central Bloc niadtong Mayo 17, 2025 kun diin ni-perform ang sikat nga artists nga sila si Daniel Miguel, Centi, Sepia Times, Black Snow, Khobee, Into Midnight, Jolianne, Nomer, Dom Guyot, ug Janine Berdin.
Sa ikaduhang adlaw nga gipahigayon sa Ayala Center Cebu, ni-perform ang mga banda nga The Final Form, Keith Aquitan, The Ambassadors, Pneuma, Crescent, Wonggoys, The Tomasses, Lawod, Martin Taneo, Oh! Caraga ug Cueshe.
Dili basta-basta ang kusog nga abiba ang nadawat sa performers gikan sa mga tawo nga nisaksi sa maong music festival.
Jeremy G milusad sa bag-ong awit nga “parking lot”
Mibalik sa music scene ang Kapamilya singer-songwriter nga si Jeremy G inubanan sa bag-ong single nga “Parking Lot” nga nag-feature ni Chie Filomeno ug sa pop duo nga Darren Cashwell.
Naghisgot kini sa gugma nga nagsugod sa usa ka night out sa club.
“It’s been over a year and a half since I released songs for myself. And now here’s the start of a new era,” suma pa sa singer .
Nakasulod ang maong awit sa New Music Friday Philippines playlist sa Spotify.
Nasayran nga si Jeremy G ang songwriter sa pipila ka mga awit nila ni Zsa Zsa Padilla, Pops Fernandez, Belle Mariano, Angela Ken,ug uban pa . Madungog ang “Parking Lot” nila ni Jeremy G, Chie Filomeno, ug Darren Cashwell sa nagkalain-laing streaming platforms.
Basher gitubag ni Darren
Mipalag ang singer nga si Darren Espanto sa gibuhian nga mensahe sa usa ka netizen nga matud pa dili siya kahibalo mokanta .
Gibase sa netizen ang maong komento sa performance ni Darren sa ASAP Natin 'To kun diin gikanta niya ang "Mona Lisa" sa BTS member nga si J-Hope.
Suma pa singer nga kinahanglan nga lantawon pud ang uban niya nga cover videos sa dili pa siya hukman.
"Hi...Please consider watching my other vocal performances cuz one thing I won’t take is someone telling me I CAN’T SING. Attached here are a few of ‘em," social media post ni Darren. Michael Cinco gibisita sa BINI
Gibisita sa grupong BINI ang sikat nga Filipino designer nga nagbase didto sa Dubai nga si Michael Cinco.
Dili gyud nila malimtan si Michael sanglit mao kini ang nagmugma sa gipanul-ob sa pipila ka mga artista sa niaging ABS-CBN Ball .
“Thank you for making us extra beautiful,” mensahe pa ni BINI Jhoanna ngadto ni Michael. Nitikang usab ang BINI sa Time Out Dubai ug KOOYA Filipino Eatery.
Nagmalampuson ang konsyerto sa BINI sa maong dapit sa niaging gabii.
Standing ovation
Puwerting lipaya nila ni Sylvia Sanchez ug sa laing producer nga si Alemberg Ang gumikan kay nakadawat og standing ovation sa 78th Cannes Film Festival ang gi-produce nila nga Japanese film nga "Renoir". Nitambong gyud si Sylvia sa maong kalihokan kauban ang iyang bana nga si Art Atayde.
Nakadaog sa Eurovision
Ang Filipino -Austrian singer nga si Johannes Pietsch nga nailhan usab isip JJ maoy nakadaog sa 2025 Eurovision Song Contest niadtong Domingo didto sa Europe. Gikanta niya ang "Wasted Love" kun diin nahugyaw gyud ang nga hurado . "Love is the strongest force in the world. Let's spread more love," suma pa sa singer .
Big Comeback
Sila si Ralph De Leon ug Charlie Fleming maoy kanhi housemates sa "Pinoy Big Brother" nga nakaangkon sa wildcard slots. Gianunsyo niadtong Dominggo sa gabii ang resulta sa botasyon alang sa Big Comeback.
- Latest
