Angayan magkadayon

CEBU, Philippines — Nabatyagan ang kasoud nila ni Barbie Forteza ug Jameson Blake. Nisalmot ang duha sa fun run nga gipasiugdahan ni Alden Richards sa niaging adlaw . Pipila sa ilang fans ang nipadayag nga bagay kaayo ang duha.

Andam mag-artista

Kanunay nga giaghat si  Miss Universe Asia 2024 Chelsea Manalo sa iyang fans  nga mosulod sa showbiz world. Gibutyag sa beauty queen nga bukas siya sa maong butang kun makadawat siya og mga offer.

Bugas ug delata

Dili gyud makalimot si Buboy Villar sa iyang mga kaagi kaniadto kun diin sekreto siya nga moapil og mga singing contest ug walay kasayoran ang iyang ginikanan . Inigbalik niya sa iyang panimalay , magdala dayon siya og mga delata ug bugas.

Wala pa sa huna-huna ang pagpakasal

Wala pa masulod sa huna-huna nila ni Julia Barretto ug Gerald Anderson ang pagpakasal  gumikan kay prayoridad pa nila ang pagtigom og maayo.

Gipaneguro una nila ang ilang career ug pipila ka mga negosyo .

Nagpabiling lig-on ang relasyon sa duha ug layo sila karon sa mga intriga .

Angeli ug Leo pasok sa Batang Quiapo

Sa pagsulod sa karakter ni  Angeli Khang sa ‘FPJ’s   Batang Quiapo,  napanglantawan nga mao  usab kini ang bag-ong love interest sa karakter ni Coco Martin isip Tanggol.

Gipaabot nga tulo ka mga babaye ang  makabihag sa kasingkasing ni Coco, sanglit naa naman daan ang mga karakter nila ni Andrea Brillantes ug Kim Dominggo.

Gawas kang Angeli, misulod pud sa Batang Quiapo si Leo Martinez.

Kahinumdoman nga ubay-ubay na ka mga artista ang nahimong kabahin sa maong teleserye.

Gelli ug candy sa “stars on stars”

Gipabuhagay sa  mag-amigang aktres nga sila Gelli de Belen ug Candy Pangilinan ang ilang mga pagbati kalabot sa ilang panaghigalaay ug mga hagit isip mga inahan sa espesyal nga episode sa  “Stars on Stars” sa Jeepney TV.

Gibutyag  ni Candy nga dako kaayo ang epekto sa iyang kinabuhi sa pagka-inahan sa usa ka anak nga  neurodivergent .

“Hindi ako perfect na mom kaya I’m trying my best. My most and least favorite part of being a mother is taking care of Quentin. Mahirap siya pero ito yung dahilan bakit ako umayos bilang tao,” matud pa ni Candy.

Gipakita usab ni Gelli kung giunsa niya pag-atiman ang duha niya ka anak nga mao ang pinakadakong hagit ug grasya sa iyang kinabuhi.

Matod niya, “Ang pagiging ina, walang manual. Pero kahit mahirap, ‘yun ang role na hindi ko ipagpapalit kahit kailan.”

Nagbalik- lantaw usab  sila sa  ilang dugay nang panaghigalaay nga mitubo ug mipadayon bisan pa sa daghang tuig ug mga pagsulay sa showbiz.

“Nakakatuwa kasi kahit ilang taon na ang lumipas, nandito pa rin kami para sa isa’t isa,” ni Gelli pa.

Makita ang malipayon ug madanihong panag-istorya nila Gelli ug Candy sa “Stars on Stars” sa JeepneyTV Facebook page ug YouTube channel.

Lee Do-hyun nakahuman na sa military service

Nakompleto na sa Korean actor nga si Lee Do-hyun ang iyang mandatory military service.

Kahinumdoman nga nagsugod ang iyang military service niadtong Agosto 14, 2023 ug nahuman kini niadtong Martes.

Duna na' y  nakalinya nga mga proyekto ang aktor .

"He is already receiving casting offers for various dramas, films, advertisements, and photo shoots. Please look forward to his upcoming activities," suma pa sa talent  agency ni Lee nga  YUEHUA Entertainment Korea.

Bettina nalandig sa tambalanan

Dili mahulagway ni  Bettina Carlos ang gibati niya nga kakulba  sa niaging adlaw gumikan kay naglain gyud ang iyang pamati partikular na ang paglabad sa iyang ulo.

Matud pa niya nga resulta kini sa grabeng stress ug nagtoo gyud siya nga makabsan na siya sa iyang kinabuhi kun wala siya natabang dayon ug gidala sa hospital.

"I didn’t know so much stress could actually lead to this kind of headache called a tension headache. My head never hurt like this my whole life! After 2 ER visits in 12hrs and a very scary MRI for this claustrophobic, I still feel like mamatay ako everytime I sit up," Instagram post sa aktres.