Lovi bida sa horror movie

CEBU, Philippines — Usa si  Lovi Poe sa mga bida sa umaabot nga  psychological horror movie nga The Sacrifice. Makauban niya sa maong pelikula sila si Enchong Dee, Timothy Granaderos, Lav Diaz, ug Pokwang.   Ubos kini sa C’est Lovi Productions, ang film outfit  nila ni Lovi ug sa iyang bana nga si Montgomery Blencowe.

"Stay tuned — more cast members and familiar faces to be announced!," social media post ni Lovi.

International career

Nagpa-audition na si Iñigo Pascual og pipila ka Hollywood projects.  Determinado gyud ang aktor sa pag-atiman sa iyang international career.

Angayan mag-beauty queen

Giangkon sa Kapuso actress nga si  Lianne Valentin nga ubay-ubay na gyud ang nisugyot nga moapil siya og mga indigay sa kaanyag.  Suma pa sa aktres nga dili pa siya andam sa maong butang  apan iyang gitataw nga bukas ra siya niini sa saktong panahon.

Michael ug Emilio nanamilit sa PBB

Ang mag-duo  nga sila si Michael Sager ug  Emilio Daez maoy latest nga natangtang sa  PBB Celebrity Collab Edition.

Naluwas sa  eviction sa niaging gabii  sila si Dustin Yu ug  Ralph de Leon, ingon man usab sila si Brent Manalo ug Vince Maristela.

Emosyonal sila si Michael ug  Emilio sa dihang   gisugat sila sa ilang fans sa gawas sa PBB house. -SJA

Marko nakulbaan tungod sa SB19

Giangkon sa Tawag ng Tanghalan All-Star Grand Resbak 2025 champion nga si Marko Rudio  nga na-pressure siya og maayo sa dihang nahibaw-an niya nga nalakip isip guest judges  atol sa grand finals mao ang mga miyembro sa SB19 nga sila si Stell ug Pablo.

“Noong nakita ko pa lang name ni Stell, tinanong ko na staff. Noong sinabi nila SB19, grabe, dumoble pressure. Hindi kasi ako marunong sumayaw pero sinubukan ko,” suma pa ni Marko ngadto sa ABS-CBN News.

Kahinumdoman nga gikanta niya sa grand finals ang medley sa mga awit sa SB19.

“Since Grand Resbak siya, lahat ng malulupet. Saltang salta siya. Kailangan mag isip ng mas malakas.Nang narinig ko SB19, naisip ko bagay sa akin. May rock part, may galit na part, may malambing na part,' dugang pa niya. 

Nakuha niya ang labing taas nga combined score gikan sa hurado ug madlang people votes nga 96.15% ug gipildi ang iyang mga kaubang finalists nga sila Ian Manibale (92.80%) ug Charizze Arnigo (89.55%).

Ang ubang mga hurado sa  Huling Tapatan mao sila si Ogie Alcasid, Regine Velasquez Alcasid, Lani Misalucha, Zsa Zsa Padilla, Pops Fernandez, Marco Sison, Bituin Escalante, Nyon Volante, ug Louie Ocampo.

Isip grand champion, nakadaog siya og P1 million, recording contract sa ABS-CBN Music, management contract sa Star Magic, ug trophy.  Samtang, nakakuha si Ian og P250,000 ug si Charizze nakadaog og P100,000.

Maroon 5 ug Lisa mag-collab

Mag-uban ang banda nga Maroon 5 ug ang miyembro sa Blackpink nga si  Lisa sa usa ka bag-ong single nga nag-ulohan og "Priceless!"

Nag-photoshoot na sila si Lisa ug ang bokalista sa Maroon 5 nga si Adam Levine  alang sa maong kolaborasyon.

Wala pa'y pormal nga anunsyo sa  release date sa "Priceless!".

Ang Maroon 5  maoy nagpasikat sa mga awit nga "Won't Go Home Without You", “She Will Be Loved,” “Payphone,” “Moves Like Jagger,” ug uban pa.