Kira, sinagot ang bintang ni Michael

Naugnay sa isa’t isa noong 2022 sina Kira Balinger at Kelvin Miranda. Matatandaang nasangkot ang dalaga na dahilan diumano sa hiwalayan ng Kapuso actor at dating non-showbiz girlfriend nito. Nilinaw naman ni Kira noon na wala talaga siyang kinalaman sa paghihiwalay nina Kelvin at Roselle Vytiaco. Ngayon ay maayos nang muli ang turingan nina Kira at Kelvin.

Bago pa maging housemate ng Pinoy Big Brother Celebrity Collab Edition ay naisip daw ng Kapamilya actress na posible silang magkasamang muli ni Kelvin. Huling nagkatrabaho ang dalawa sa pelikulang Chances Are, You And I noong isang taon. “Honestly po, ever since finding out na collab po between GMA and (ABS-CBN), I did have that thought before going in. Pero at the same time, I felt okay about it naman po. Kasi kami ni Kelvin, okay naman na, may closure and everything. I’m okay, no bad blood, no hard feelings. Life is short,” makahulugang pahayag sa amin ni Kira sa Fast Talk with Boy Abunda.

Sina Kira at Charlie Fleming ang huling evictees mula sa PBB house. Kamakailan ay naakusahan ng Kapuso actor na si Michael Sager ang ChaKira duo na walang kusa sa mga gawaing bahay. “Ewan ko sa ‘yo, Michael. If I may share, Charlie is the only one po na humahawak ng mop sa loob ng bahay. Michael, we’re waiting for you. Mag-uusap tayo, eme! Joke lang,” natatawang pahayag ng Kapamilya actress.

Ngayong nakalabas na mula sa loob ng bahay ni Kuya ay umaasa si Kira na makagawa ng pelikula. Para sa aktres ay magkaibang karanasan ang paggawa ng pelikula kumpara sa teleserye. “Kasi sa movies ko lang talaga na-experience na ‘yung mas malalim na pag-study ng script. That’s something na hindi ko po talaga nagagawa through teleseryes. But of course, I accept all blessings,” paglalahad ng dalaga.

Ara Davao, wish makatrabaho si Kathryn

Unang napanood si Ara Davao sa FPJ’s Batang Quiapo na pinagbibidahan ni Coco Martin. Ilang buwang nasaksihan ang husay sa pag-arte ng baguhang aktres sa naturang serye. Nakapagtapos muna ng kolehiyo si Ara bago nasundan ang yapak ng mga magulang na sina Jackie Lou Blanco at Ricky Davao. “My grade school and high school, they didn’t allow it and it was not in my mind. I liked the acting in school. But I was really focused on finishing school and then when I got to college, I still liked acting and the thought never left but I was just focused on finishing. I didn’t think of multitasking at that time. Star Magic also contacted me right after graduation. So parang what was on my mind and then their offer was like parang sabay. So, it aligned, when I graduated, I felt like the perfect time to start workshops na,” pagbabahagi ni Ara sa ABS-CBN News.

Napapanood na ngayon sa mga sinehan ang pelikulang Fatherland kung saan kabilang si Ara. Pinagbibidahan ito nina Allen Dizon, Cherry Pie Picache, Richard Yap, Ara Mina at Inigo Pascual. Kung mabibigyan ng pagkakataon ay nangangarap si Ara na makatrabaho sa isang proyekto ang kanyang mga iniidolo mula pagkabata. “I’m a big fan of Vilma Santos, Kathryn Bernardo, so many. Also Tita Pie Picache and Ms. Maricel Soriano. I’m a fan girl na. I’ve been a fan of Kathryn since I was young. I’ve seen all her movies and all her looks from when she was in her teens, her younger style and then until now. Si Tita Pie naman we saw each other in the events of Fatherland but we didn’t get to have a scene together. Also in Batang Quiapo our plots were not involved with each other. So hopefully, I get to work with her soon,” pagdedetalye ng baguhang aktres. (Reports from JCC)