Make-up artist ni Kris, may rebelasyon sa birthday ni Bimby

Sa Instagram ni RB Chanco, ang make-up artist ni Kris Aquino, ang nag-post ng birthday treat nila kay Bimb Aquino na 18th birthday noong April 19. Ang daming birthday cakes, lahat yata ng bisita sa small and private birthday party na ‘yun, may dalang cake.

Nakakatuwa na makitang magkakasama sina Kris, Bim, at Josh sa nasabing okasyon at very touching ang eksenang niyakap ni Bimb si Kris na nakahiga sa kama at ‘yung eksena  kiniss ni Josh sa cheek ng kapatid.

Marami naman ang nalungkot sa birthday post ni RB para kay Bimb na patungkol din kay Kris.

“Bimb, you’re 18 today and it’s hard to put into words how proud I am of the person you’ve become. You’ve always had a quiet strenghth and a gentle heart. No matter how much you’ve grown, you’ve stayed kind, grounded, and full of love for the people who matter to you.

“Yor mom once said this might  be the last birthday she gets to spend with you, and that stayed with me. But I truly believe that as long as you’re by her side, she’ll keep finding the strength  to keep going. You’ve given so much of yourself to her, and that love is something truly rare.

“You’re a gift to your family, and to everyone lucky enough to know you. I’ve seen how real and good your heart is, and I’ll always be grateful to be part of your life. Bimb, eighteen’s just the beginning and whatever life brings, I know you’ve got what it takes.

“Happy 18th birthday, Bimb. I love you. nd through every season, in every version of your life, I’ll always be here for you.”

Gina, ‘di na nakatrabaho si Nora!

Sayang at hindi na matutuloy ang pelikulang pagsasamahan nina Nora Aunor at Hilda Koronel na sa June or July sana sisimulan ang shooting to be directed by Adolf Alix, Jr., at ang script ay isusulat ni Gina Marissa Tagasa. In fact, sabi ni Gina, last year pa niya natapos ang script at hawak na ni Nora at excited na siyang gawin ito.

Ayon pa kay Gina, nasabi niya kay Direk Adolf na pupunta siya sa shooting kahit gaano kalayo at magpapakuha siya ng larawan kasama ang Superstar. First time sana niya makakatrabaho sa pelikula si Nora.

“Can you imagine how downhearted I am now na di ko na siya makakatrabaho (at makakasama sa photo) ever!= (Ate Guy... you deserve all this honor! Pahinga ka na. You are loved!=).”

Sa isa pang kuwento, sabi ni Gina, “I was amazed by the crowd and the endless flow of food—generously provided by friends, fans, and Producers who had worked with the Superstar over the years. Ate Guy’s fandom is undeniably strong!”

Alden, sumuporta kay David…

Nagpa-block screening si Alden Richards at ang kanyang Myriad Corporation sa pelikulang Samahan ng mga Makasalanan noong Sunday. Sa kanyang speech, sabi ni Alden, suporta niya yun at ng kanyang company sa local film, kay Atty. Annette Gozon-Valdes at sa GMA Pictures.

Suporta rin daw sa cast ng movie na nakatrabaho niya sa Pulang Araw gaya nina David Licauco, Jay Ortega, at Sanya Lopez ang kanyang ginawa. Of course, suporta rin niya kay Betong Sumaya na nasa cast ng movie at sinusuportahan ni Alden ang mga ganap.

Remember na noong pandemic, nang mag-live selling si Betong ng mga gamit niya, pinakyaw ng aktor ang ibenenta niya para hindi na siya magpagod. Naiyak si Betong sa gesture na ‘yun ni Alden at inulit dito sa SNMM.

Ginawa na niya ito sa movie nina Dennis Trillo at Jennylyn Mercado, sa movie nina Kim Chiu at Paulo Avelino at ngayon, sa movie nina David, Sanya, at Betong.

Sabi tuloy ng mga fans, sana may friend sila gaya ni Alden na handang sumuporta sa ganap ng mga kaibigan.